Klinika Bairu-Pite Menus Ekipamentus

Klinika Bairu-Pite Menus Ekipamentus

- in Metro
16
0
e0bb63a2816e4a064dccf75353885e58_w340_h250_cp

Editor: Germano de Sousa

 DILI– Klinika Bairu-Pite (KBP) sei menus ekipamentus, tanba nee lasufisiente atu halo atendimentu ba pasiente sira neebe mai halo tratamentu.

Tuir Manager KBP, Inacio do Santos katak, iha Klinika Bairu-Pite too agora ekipamentus lasufisiente. Tan nee, dalaruma difikulta mos atendimentu ba pasiente.

Ami menus tebes ekipamentus, liuliu ekipamentus laboratorium. Tanba nee, ami koordena fali ho Saude Munisipiu Dili, inklui Sentru Saude Comoro.  Kuandu iha pasiente ruma presiza hasai raan tenki  haruka ba Sentru Saude Comoro dalaruma mos ba  Hospital Nasional Guido Valadares ba halo teste depois lori rejultadu mai ami hafoin haree tuir hodi fo tratamentu, katak Inacio ba STL iha nia knar fatin KBP, Tersa (7/1/2020).

Maibe katak, Inacio, ba pasiente neebe tenke halo teste urjenti bele halo kedan iha nee. Aleinde nee, iha medikamentu ida-rua neebe populasaun kontribui teb-tebes bainhira ami husu katak, medikamentus laiha ita boot sira tenke sosa rasik entaun sira mos iha posiblidade hodi sosa rasik iha liur.

Nunee mos, Vice Departamentu ENF Klinika Bairu Pite, Marciana da Costa dehan, kona-ba ekipamentus Klinika Bairu Pite.

Ami iha difikuldade ituan, tanba ekipamentu barak maka ami iha. Maibe ami laprepara tanba ami nia estaf rasik agora mos menus. Nunee mos, ai-moruk neebe ami hetan suporta husi Ministra Saude (MS) ladun barak. Ho nunee ai-moruk neebe ami laiha, ami tenke rekomenda pasiente ba sosa fali ai-moruk nee iha apotiku hafoin konsume, katak Marciana.

Marciana mod dehan, agora dadaun iha KBP fatin ba inan isin rua atu partus mos laiha, so konsulta jeral ba inan isin rua sira maka iha.

Koordenador Medikus BPCL, Dr. Francisco Freitas dehan, atendimentu iha KBP iha maske fasilidade lakompletu hanesan hospital nasional.

Maibe kona-ba ami nia komplementares hanesan halo atendimentu ba aseidente trafiku KBP iha sasan atu halo atendimentu halo koritibu iha. Tanba, hia sasan balun neebe atu atende ba pasiente sira hetan ajuda husi Australia fo sasan paket kona-ba asidental.

Nunee mos KBP agora laatende inan isin rua atu partus iha KBP, tanba fatin atu baixa ba pasiente sira agora laiha, tan nee laatende partus ba inan isin rua sira.

Maibe atu halo tratamentu ba inan isin rua iha nafatin halo atendimentu. ESTI-03.

Komentariu

Facebook Comments

Leave a Reply

Your email address will not be published. Required fields are marked *