Klarifika Kazu “Naok” Aimoruk

Klarifika Kazu “Naok” Aimoruk

- in Krime
64
0
logo-cac-foun-640x607

DILI-Comisaun Anti-Corrupção (CAC), halo inspesaun ba Hospital Nasional Guido Valadares (HNGV) hodi hetan klarifikasaun ba kazu deskonfia Pesoal Saude neebe foti sai ai-moruk.

Tuir Komisariu Adjunto Comisaun Anti-Corrupção (CAC), ba Asuntu Prevensaun no Sensibilizasaun Luis de Oliveira Sampaio, CAC mos hetan klarifikasaun ba kazu pesoal saude neebe foti sai ai-moruk husi Hospital Nasional Guido Valadares(HNGV).

Ami mos hetan klarifikasaun ba kazu resente hanesan pesoal saude neebe foti sai ai-moruk husi HNGV nee prosesu lao hela, hateten Luis ba Jornalista sira iha HNGV, Kinta (06/12/2019).

Nia hatutan CAC la hein deit, maibe CAC iha inisiativa atu buka tuir lamentasaun sira neebe mai husi sosiedade.

Ami hetan nia resposta internalmente HNGV  halo hela investigasaun sira atu hare invel ka grau akontesementu infrasaun nee too iha neebe, halo tuir mekanismu interna hospital nasional ninian ka lae, esplika Luis.

Iha fatin hanesan Diretor Ezekutivu Hospital Nasional Guido Valadares (HNGV), Aniceto Cardozo Barreto dehan kazu deskonfia Pesoal Saude foti sai ai-moruk husi HNGV nee tama ona ba etapa final.

Relatoriu ikus hau sei fo hatene ba ita boot sira sesta semana oin, ami sei fo sai,  saida maka ita halo, tenik Diretor nee.

HNGV sei deskuti internalmente iha ministeriu sira,  oinsa sira atu fo solusaun ruma.

Ami sei debate iha nivel neebe maka bele foti asaun ruma ba pesoal saude neebe foti sai ai-moruk iha hospital nee, infroma Aniceto.

Nunee mos, Vise Ministra Kuidadu Saude Primaria no Ministra Saude Interina, Elia A.A dos Reis Amaral dehan, Ministeriu saude fatin neebe sentral, nunee MS iha ligasaun ho Instituisaun haat, neebe maka outonomu ba HNGV. “Ita hatene katak dalan iha,  para prosesu individual nee, entaun ita espera katak investigasaun nee lao hela, ita sei hein rezultadu  investigasaun,”  afirma Elia. Jeniche da Costa.

Komentariu

Facebook Comments

Leave a Reply

Your email address will not be published. Required fields are marked *