KIESP-TL Asina MoU ho Unika Kupang

KIESP-TL Asina MoU ho Unika Kupang

- in Edukasaun
1133
0
abel-ximenes

DILI-Klibur  Institute  Ensinu Superior  Privadu  Timor  Leste  (KIESP-TL), asina memorandum of understanding (MoU),  ho Universidade  Katolik Widia  Mandira  Kupang Indonesia atu bele koperasaun hodi dezenvolve edukasaun iha Timor Leste.

Sai sasin ba MoU KIESPTL  ho  Universidade  Widia  Mandira Kupang nee, husi  II  vise  Ministru  Edukasaun  (ME), Abel  Ximenes, Reitor hotu husi  universidadade  10 iha TL, inklui estudante sira. Asina nee halao iha salaun Infordepe, Balide, Dili.

Hafoin asina MoU, ba jornalista, II  vise  Ministru  Edukasaun  (ME), Abel  Ximenes, katak, objetivu  prinsipal iha serimonia asina MoU nee, para universidade privadu  Timor  Leste  (TL)10 neebe mak halibur aan iha KIESPTL hodi bele kooperasaun ho Universidade Katolika  Widia  Mandira Kupang, ida nee bele sai oportunidade diak ida, ba instituisaun  privadu sira  bele reforsa aan ba oin.

Objetivu  prinsipal iha enkontru ida nee, para universidade privadu  Timor  Leste  (TL)10 neebe mak halibur aan iha KIESPTL hodi bele servisu hamutuk ho Universidade Katolika  Widia  Mandira Kupang  Indonesia, ida nee bele sai oportunidade diak ida, ba instituisaun  privadu sira  bele reforsa aan,”dehan  II  vise  ME  Abel ba jornalista iha Balide, Dili,  Kuarta  (06/09/2017).

II Vise ME, Abel, akresenta,  ohin sira hatudu sira nian profile  Universidade ninia katak, dezenvolvimentu  sira nian nee boot teb-tebes, maibe  instituisaun  privadu TL ninia mos bele hatudu katak, maske  TL  durante tinan  15, ensinu superior nee fo pasu neebe mak importante.

Tanba uluk estudante  neebe mak uluk la too  rihun 5, agora iha ensinu superior nee, estudantes kuaze   rihun 40 ou rihun 60, iha tinan  2000, professor nain tolu deit mak doutoradu, agora kuaze hamutuk 100.

Iha fatin  hanesan  Reitor Unika Kupang, Pe, Yulius  Yasinto, SVD, sente  hanesan hetan onra boot ona, tanba iha akordasaun ho instituisaun  privadu iha  Timor Leste  (TL), tanba nee, labele halo deit MoU, maibe liu husi kooperasaun ida nee, presiza  halo buat barak ba oin.

Hau sente  hanesan hetan onra boot ona, tanba iha akordasaun ho instituisaun  privadu iha  Timor Leste  (TL), tanba nee, ita labele halo deit MoU, maibe presiza  halo buat barak ba oin, tanba buat barak mak ita presiza halo hamutuk, liu-liu iha area  edukasaun ninia,”dehan nia.

Entretantu  Diretor  exekutivu  KIESP-TL, Manuel Vong, liu husi aprejentasaun profile  KIESP-TLhatoo bemvindu ba delegasaun husi Univerdade Katolik Kupang mai iha Dili, liu-liu iha  fatin ida nee, nian aprejenta hodi fo sai profile KIESP-TL nian neebe mak durante nee lao.

“Hau lori KIESPTL ninia naran hatoo  ami nian bemvindu mai iha Dili, liu-liu iha  fatin ida nee, hau nian aprejentasaun ohin permiti hau, atu fo uituan profile KIESPTL nian neebe mak durante nee ita hamahan aan, tanba KIESPTL hanesan assosiasaun ida iha ensinu superior privadu sira, neebe mak hari iha dia  20 de Marsu 2010,”dehan nia. Jacinta Sequeira

Facebook Comments

Leave a Reply

Your email address will not be published. Required fields are marked *