Khunto Deklara Sai Opozisaun

Khunto Deklara Sai Opozisaun

- in Nasional
1093
0
khunto

DILI – Partidu Kmanek Haburas Unidade Nasional Timor Oan (Khunto), deklara ona sai husi koligasaun hodi sai oposizaun iha Parlamentu Nasional (PN).

Konsileiru Partidu Khunto Jose Naimori hateten, ba Timor oan tomak ohin loron 14 Partidu Khunto deklara sai oposizaun ba iha VII Governu, maske durante fulan ida Fretilin ho Khunto kria amizade ida neebe maka diak teb tebes.

Durante fulan ida nia laran ami kopera hamutuk ho Fretilin kria amizade ida neebe diak hau agradese teb tebes ho sira nia hanoin diak, mesmu ami latama iha neeba, maibe ami fo parabens ba Dotour Mari Alkatiri neebe eleitu sai hanesan Primeiru Ministru ,” dehan Naimori, liu husi konferensia imprensa neebe halao iha ninia rezidensia, Surikmas, Dili, Kinta (14/09/2017).

Nia dehan, Mesmu Khunto latama iha VII Goveru, maibe Khunto sei fo apoiu nafatin, hodi kria estabilidade ba povu no nasaun par abele hetan unidade ida neebe forte. Tanba agora laiha oportunidade ida dehan, atu koligasaun la koligasaun Khunto tenke husi neeba, maibe sei iha oportunidade nafatin fo apoia malu para nasaun ida nee lao ho diak, para povu bele lao hakmatek.

Iha parte ketak, Bainhira jornalista sira konfirma asuntu konaba deklarasun partidu Khunto neebe maka sai hanesan oposizaun, Adjuntu Sekertariu Jeral Partidu Fretilin Jose Reis lakoi fo komentariu, tanba nee seidauk offisialmente ho Fretilin, nee entre media deit.

Entretantu Prezidente PD Mariano Asanami Sabino mos lakoi komenta ba desizaun neebe maka partidu Khunto foti, dehan PR PD liu husi via telefoni ba STL. Carme Ximenes/Maria Lay

Facebook Comments

Leave a Reply

Your email address will not be published. Required fields are marked *