Kazu VD, 80 % Suspensaun Pena Prizaun

Kazu VD, 80 % Suspensaun Pena Prizaun

- in Krime
2078
0
Deskonfia

DILI- JSMP monitoriza katak, kazu violensia domestika (VD) mak durante nee mosu, hatudu katak, ema neebe komete krime nee, iha 80 % hetan suspensaun ba pena prizaun.

Kazu violensia domestika neebe ami monitoriza, liliu iha tinan 2016, 80% mak simu suspensaun ba pena prizaun neebe boot liu durante 16 nia laran. Nee numeru neebe ami hetan iha periodu 2016,”dehan Direktor Judicial System Monitoring Programme (JSMP) Luis De Oliveira Sampaio ba jornalista sira iha Hotel Timor, Dili,  Kinta (21/12/2017).

Sira hatoo preokupasaun sira nee dala barak ona, ba kazu sira neebe envolve violensia domestika, neebe nia rezultadu husi prizaun ba pena prizaun. I nee sai prekupasaun boot ida, no sira kontinua fo atensaun ba asuntu nee tanba sira, indentifika katak, too agora seidauk iha mekanizmu proriu ida, atu halo kontrolu ba kondenadu sira neebe maka hetan hela suspensaun durante periodu suspensau neebe maka tribunal sira aplika.

Tanba nee, iha intensaun dala ruma la iha kastigu ba sira, tanba ba iha tribunal,  no tribunal dehan ba sira fila ba uma, durante tinan ida  labele komete tan krime seluk, imi sei mai hatan ba pena neebe imi komete, no sei halo julgamentu foun.

Oliveira relata, ho aplikasaun nee, komunidade neebe la iha konesementu sufisiente ba konseitu aplikasaun sira nee, sira bele sente katak nee laos kastigu ida. Ne’e sai mos hanesan maneira ida, neebe hamosu duvidas ba komunidade, tanba objetivu husi sentensa neebe iha atu prevene komunidade sira, atu labele halo tan hahalok nee, tanba krime, maibe ho aplikasaun suspensaun neebe, bele hamosu infrasaun ida katak, violensia domestika nee laos kazu todan, bele baku malu, maibe sei fila fali mai uma, moris hanesan baibain.

Alende nee, ho forma suspensaun nee, sei la prevene arguidu atu komete krime tan, nunee husi monitorizasaun nia indentifika katak, iha mudansa positivu ba sira neebe komete krime durante suspensaun, tribunal hare mos ba suspensaun neebe aplika ba nia, haruka nia ba iha prizaun depois halo prosesu foun ba kazu neebe nia komete.

Husi fatin ketak, Marcos Nunes (akademika UNTL) hateten, tribunal tenki aplika medida neebe diak, hodi prevene ema labele halo tan hahalok violensia.

Violensia agora dadaun komesa aumenta ko numeru neebe boot, hau hanoin atu redus kazu nee, ema neebe halo krime ida nee, tribunal iha desizaun tenki aplika pena no kustu neebe todan, atu nia tauk labele halo tan hahalok nee,”dehan Marcos.

Nia sujere ba sosiedade neebe gosta komete hahalok violensia atu prevene an, tanba agora dadaun iha mos lei atu bele aplika ba ema hirak neebe komete hahalok nee. Terezinha de Deus

Facebook Comments

Leave a Reply

Your email address will not be published. Required fields are marked *