Kazu Pendente Prosesu La Lao

Kazu Pendente Prosesu La Lao

- in Metro
126
0
CENTRO_E_FORMACAO_JURIDICA_07

Dili- Kazu pendente signifika katak, prosesu neebe iha seidauk lao, tanba nia implikasaun mai husi arguidu no testamuna balu la iha, no mos pedidu balu hanesan imunidade.

 Kazu pendente katak, buat neebe para hela la lao, laos tanba adiamentu ba kazu seluk, maibe pendente ezemplu hanesan kazu balu sei halo pedidu ba parlamentu hasai imunidade, tenke hein resposta lai maka foin marka julgamentu. Hanesan ba iha PN, atu hasai imunidade ruma, ”dehan Prezidente Asosiasaun Majislatura Judisial Timor Leste Antonino Gonsalves ba STL iha nia knar fatin Kaikoli Tersa, (26/03/2019).

Nia hatutan, presija iha kolaborasaun entre tribunal no PN, atu fo hatene konaba prazu neebe iha, konaba sira nia resposta ba imunidade nee.

Nunee iha kazu pendente balu, tanba arguidu buka la hetan, hanesan halai tiha ba rai, tanba nee sei buka tuir arguidu, no prosesu sira nee mos bele tama iha prosesu pendente.

Prezidente AMJTL nee konsidera, iha prosesu neebe pendente maka hanesan arguidu la iha, no testamuna ka vitima ba iha prosesu nee moras.

Iha balu mos hanesan inan isin rua, bainhira nia iha partus nia labele mai tuir julgamentu, tanba nee tribunal tenke hein fali, depois de nia mai fo nia deklarasaun.

Iha fatin ketak Juis Administrador Tribunal Distrital Dili Jose Maria hateten, kazu pendente nia implikasaun mai husi prosesu adiamentu.

Pendente tanba ho adiamentu barak, hanesan la konsege notifika paraderu arguidu nian neebe difisil atu hetan ka testamuna no lezadu sira, ”dehan Jose.

Nia relata, iha kazu balu mos tribunal haruka ofisiu ba iha polisia sira atu buka paraderu arguidu sira nian mos, dala ruma susar atu hetan. Notisia kompletu lee iha jornal STL edisaun Kuarta  (27/03/2019).Terezinha De Deus

Komentariu

Facebook Comments

Leave a Reply

Your email address will not be published. Required fields are marked *