Kazu Hong Long, Evidensia Laklean

Kazu Hong Long, Evidensia Laklean

- in Politics
2932
0
manuel-tilman-diak-615x497

DILI — Investigasaun ba kazu kompania Hong Long neebe envolve iha kaer ikan Tubaraun iha tasi Timor hotu ona. Kazu nee rasik dadaun tama ona iha ministeriu publiku, maibe investigasaun kazu nee nian tenke kontinua tanba  evidensia la klean.

Konforme informasaun kazu nee entrega ona ba ministeriu publiku Baucau. Hau hanoin Baucau mos husu fila fali atu halo fila fali investigasaun, tanba evidensia nee la klean ida, se hanesan nee hau hanoin la konsege akuza, hau hein katak solusaun mos sei bele diak,” hateten Advogadu Privadu Manuel Tilman ba Jornalista sira iha nia knar fatin Pantai Kelapa, Segunda (23/10/2017).

Nia sublinha hanesan advogadu ba kazu Hong Long, konsidera  kazu Hong Long hanesan solusaun ida ba alternativa minarai, tanba  ohin loron laiha ro rasik atu ba kaer  ikan iha tasi laran, prezensa kompania Hong Long ho nia ro 15 bele tiha ikan tasi timor, mas tenke legal labele ilegal.

Nia hatutan tasi mane agora dadaun tubaraun maka barak liu fali ikan seluk, tuir siensia fatin iha ikan tubaraun barak, ikan seluk la moris, tanba nee kompania Hong Long kaer ikan tubaraun barak.

Manuel akresenta iha fatin neebe sira ikan seluk laiha, ikan tubaraun mak barak, laiha protesaun ona, tenke kaer duni, atu proteze fali ikan seluk, bele halo ekelibriu ambiental, se laiha ikan tubaraun, ikan seluk la moris no ekelibriu ambiental laiha.

Tilman konsidera nia kliente la halo krime, tanba nee tenke absolvidu, tanba faktus nee la sufisiente. Kompania Hong Long laiha intensaun atu kaer tubaraun, iha fatin neebe nasaun timor fo lisensa atu ba tiha ikan. Iha tasi mane tuir Manuel ikan tubaraun mak barak, ikan seluk laiha.

Manuel akresnta mesmu ro lima neebe fo lisensa la ba tiha ikan iha fatin neeba, agora dadaun ro ilegal sira kontinua tiha hela ikan iha tasi mane. Ro neebe governu autoriza kuandu kaer ikan tubaraun, sempre selu taxa ba estadu. Maibe agora dadaun ro hirak nee para hela, maibe ema neebe servisu iha ro hirak nee laos kaer sira hanesan kriminozu.

Nee lalaos, tanba sira la halo sala. Nunee seidauk mos iha desizaun ida iha tribunal atu kaer sira, tanba sira la viola lei,” komenta Tilman.

Iha fatin seluk Akademiko UNTL Martinho Souza dehan, ema hotu iha lei nia okos, tanba nee husu atu investiga nafatin kazu Hong Long, hodi hetan solusaun neebe justu. “Ema hotu preokupa ho kazu nee, maibe sira hotu hatene buat hotu iha prosesu nia laran, tanba nee investiga klean atu bele hetan solusaun neebe justu, tuir saida mak sosiedade sira hein hela,” dehan Martinho.

Akademika nee relata   ema hotu moris iha lei nia okus, no mos iha regulamentu ida, tanba nee kria kooperasaun neebe diak atu halo investigasaun klean ba kazu nee. Terezinha De Deus

 

Facebook Comments

Leave a Reply

Your email address will not be published. Required fields are marked *