Karik PLP kaer ukun, Sei Apoiu Povu Kiak Sira Hadia Uma

Karik PLP kaer ukun, Sei Apoiu Povu Kiak Sira Hadia Uma

- in Distritu
3047
0
Taur Aseita

VEMASE: Prezidente PLP Taur Matan Ruak hatete, karik povu fo fiar hodi ukun, sei hadia uma kbiit laek sira. Nomos sei halo uma estadu (perumahan) iha villa laran, hodi fo ba povu kbiit laek sira hela, ba proffesor sira hela, membru F-FDTL sira hela. Kuandu sira selu too hotu, maka uma refere sai sira nia kusta ona.

Inan Aman sira selu la hotu oan selu, oan selu la hotu bei oan selu, selu kotu uma ne’e sai ninian tiha,” hateten Taur ba militante PLP iha Suku Ostiko, Postu Administrativu Venilale Sabadu (15/7/2017). Durante nee, nia dehan, governo halimar osan, la haree povu sira nia moris. Maibe povu mak moris uluk mak iha estadu tanba  saida mak kiik boot halo efiksaun deit povu ba hela iha neebe, entaun estadu halo uma nia ba hela hodi selu neneik.

Enkuantu ba populasaun sira neebe hela iha Foho, kuandu PLP manan sei fo subsidiu material konstruksaun hodi tau baskolante rua ka tolu iha postu ida tula rai henek degrasa (Gratis-red) ba povu kbiit laek sira.

Imi lafo osan hodi sosa sumente no besi. Karik PLP kaer ukun, etadu sei fo subsidiu. Hanesan folin sumenti, saka ida dolar lima, maka imi selu dolar rua deit, dolar tolu estadu mak seluk. Imi nia osan laiha, fo bibi no fahi ba forsa sira han depois koa fali sira nia osan tanba PNTL no FDTL iha osan ba han nian,” dehan nia

Matan Ruak dehan, programa ida nee, ninia objetivu hakarak povu moris diak. Laos halo uluk auto estrada (jalan tool-red) no aeroportu internasional.

Povu nia uma diak, bee mos sentina iha, elektirisidade iha, hahan iha, oan sira eskola, saude diak, tau matan ba ferik katuas sira no restu ita bele halo hodi hariku ita nia nasaun, hariku ita nia povu hodi hetan independensia ekonomia, tanba independensia politika ka ukun ita hetan ona, maibe ekonomia ladiak, ita kiak, osan barak ita lahatene uza,”hatete Taur. Natalino Costa

Facebook Comments

Leave a Reply

Your email address will not be published. Required fields are marked *