Kapasidade Governu Kria Servisu Sei Menus

Kapasidade Governu Kria Servisu Sei Menus

- in Nasional
79
0
POLITIKA e LEI

DILI- Volume numeru dezempregu kada tinan aumenta ba bebeik, tanba kapasidade governu atu kria servisu ou empregu iha rai laran sei menus.

Kestaun nee hato husi Primeiru Ministru Taur Matan Ruak, ba jornalista sira hafoin remata enkontru ho Prezidente da Republika Francisco Guterres Lu Olo, iha Palasiu Prezidente Nicolau Lobatu, Dili, Kinta ( 21/03/2019).

Xefe Governu dehan, governu nia kapasidade kria empregu ba sidadaun sei menus ou mukit, tanba kada tinan kuaze joven hamutuk 15, 000 Mil neebe aumenta maibe buka servisu lahetan.

Ita nia kapasidade atu absorve sira nee seidauk too, tanba dezenvolvimentu infraestruturas nee laos permanente,” dehan PM TMR.

Tanba nee Xefe Governu dehan, Sidadaun Timor oan balu iha Irlandia, Englaterra nee inisativa balu governu mak organiza, nunee mos agora sei halo negoasiasaun hela ho Autralia, Koreia no Japaun.

Eis Aman Nasaun RDTL nee haktuir tan katak, Australia fo posibilidade para asina akordu konaba pasifik louber skiil, loos fulan nee maibe to tinan tolu, entaun nee fo oportunidade barak traballador Timor oan sira inklui Canada.

Iha parte ketak Ministru Estadu ba Habitasaun Planeamentu no Administrasaun Lokal Republika Ilanda Damien English hatete, Governu Republika Irlanda sei halo koperasaun ho Estadu Timor Leste atu sidadaun Timor oan sira ba servisu iha Irlanda bele uza pasaporte Timor Leste. Notisia kompletu lee iha jornal STL edisaun Sesta (22/03/2019). Carme Ximenes/Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *