Kalohan: Parpol Kritika Malu Ba dezenvolvimentu Atu Sai Maduru Liu Tan Iha Ukun

Kalohan: Parpol Kritika Malu Ba dezenvolvimentu Atu Sai Maduru Liu Tan Iha Ukun

- in Nasional
642
0
antonio-me

DILI– Iha Partidu Politika sira neebe mak sempre kritika ba dezenvolvimentu Timor-Leste durante nee seidauk lao diak, ida nee tenke simu tanba kritika malu atu bele sai maduru liu tan hodi hola responsabilidade.

Kestaun nee hatoo husi Sekretariu Jeral Partidu Demokratiku (PD) Antonio da Conceicao (Kalohan) hatete, karik iha partidu balu koalia kona  ba dezenvolvimentu dehan katak ukun aan tinan 15 dezenvolvimentu seidauk lao diak, ida nee atu sensiabiliza malu hjodi hola responsabilidade diak liu, karik manan maioria tan atu bele hadia liu tan.

Hau pesoalmente hanesan membru do governu nee hau partisipa iha   kintu no sestu governu nian, hau mos kontribui hotu buat sira nee, neebe hau mos labele dehan katak buat sira neebe mak hau halo nee diak hela deit. Sertamente ita koalia buat sira nee, laos dehan katak fo sala ba malu, maibe ita tau halo avaliasaun ba malu, tanba kuandu halo avaliasaun ba nasaun nee ita hotu nia responsabilidade,” katak Kalohan ba STL Sesta (14/07/2017) bainhira hasoru malu iha Vila-Verde.

Nia hatete, ho buat sira nee hotu nia hanoin tenke iha abertura diak ida atu hodi simu kritika, i kritika nee bele konstroi atu bele sai maduru liu tan atu nunee hodi hola responsabilidade diak liu, karik nafatin ukun. Maibe kritika nee kuandu haree deit husi aspetu negativu, hodi dehan katak buat neebe mak ema seluk kritika nee ladiak, entaun nasaun nunka atu ba oin tanba lakohi simu kritika.

Nunee mos liu husi via telefone Deputadu Bankada CNRT Arao Noe hatete, kona ba dezenvolvimentu durante tinan 15 nia laran, liu-liu ba tinan 10 nia laran nee, governasaun CNRT kaer mezmu ho kolizasaun partidu balu, hodi ukun nee CNRT hola responsabiliza tomak kona ba desizaun neebe mak halo durante tinan 10 nia laran. Guilhermina Franco

Facebook Comments

Leave a Reply

Your email address will not be published. Required fields are marked *