Kaibauk Kapasita Staf Foun 45

Kaibauk Kapasita Staf Foun 45

- in Economics
3615
0
13159977_bYJzN

DILI – Kaibauk investimentu finansas, fo treinamentu ba ninia staf foun sira nebe mak sira halo rekrutamentu iha fulan lima liuba hamutuk ema nain 50 horseik hetan ona treinamentu konaba servisu risku ninian.

Atividade nebe mak ami halao iha loron ohin nee konaba ami nia staf foun nebe mak ami rekruta iha fulan haat liuba, iha rekrutamentu nee kuaze ema hamutuk 200 mak hatama sira nia dokumentus  maibe ami persiza deit ema lima nulu atu halao servisu iha ami nia Kaibauk Investimentu Finansas,”  dehan Xefi Manajer Operasional Kaibauk Investimentu Financas Alexandre de Castro ba STL iha salaun enkontru Yayasan HAK Farol Dili, Kinta (6/7/2017).

Tuir Alexandre, iha treinamentu no kapasitasaun ba ninia staf foun 45 nebe mak tuir treinamentu nee nain 5 seluk la marka prexensa.

Objetibu kapasita sira nia staf foun horak nee uainhira remata husi treinamentu nee sei desloka ba iha munisipiu neba atu inplementa Kaibauk investimentu finansas nia programa ho ida nee oda nemak sira fo treinamentu ba sira nia staf foun sira nee material saida-saida mak sira atu inplenta saida mak atu koalia ba komunidade sira nebe mak atu sai kliente ba Kaibauk Investimentu finansas  nee lori dokumentus saida mak persiza.

Treinamentu horseik ami focus liu ba iha oinsa ita  bele uza dokumentus nee halo nusa i ohin mak sei halo pratika konaba material ou teoria nebe mak horseik sira simu ona uainhira remata treinamentu nee sira sei inplementa iha sukursal ka Brance 20 iha teritori Timor laran tomak,” katak nia.

Nia hateten staf sira nebe tuir treinamentu antes nee sira desloka tia ona ba servisu iha  sukursal ou Brance iha Munisipiu no agora bolu sira mai iha Dili atu fo kapasitasaun ba sira maske sira servisu iha munisipiu maibe Kaibauk nafatin fo korazen liu husi treinamentu no koñesimentu ba sira.

Horseik bolu sira mai nee atu hare no hatene sira nia servisu pratika iha sukursal ka Brance nee oinsa no iha treinamentu ida nee bele trika ideas hodi bele aumenta tan buat balu iha sukursal para bele reforsa sira nia kapasidade diak liutan.

Nia hateten antes nee sira halao tia ona treinu ka pratika servisu fulan tolu liuba iha fulan Juinu foin lalais nee Kaibauk fo ona kontratu ba sira hanesan staf Kaibauk ninian tanba iha fulan Juilu nee konta ba fulan haat ona  ho ida nemak sira halo evaluasaun ba staf foun hirak nee.

Nunemos formador ba kapasitasaun staf foun hamutuk 45, Tarcizio da Costa hateten material nebe mak nia fo ba staf foun sira mak primeiru tanba sira staf foun nebe mak foin join iha Kaibauk Investimentu Finansas nebe aloka sira ba iha sukursal durante fulan tolu no sira bolu sira mai para atu fo treinu no halo evaluasaun durante sira halao servisu iha sukursal ka Brance nebe mak estabelese iha munisipiu neba.

Iha treinamentu nee esplika konaba knar no responsabilidade nebe mak staf foun sira halo iha Brance  segunsdu nia esplika konaba servisu risku ninian tanba buat ida osan nee ninia risku nee makaas tanba sira servisu ho komunidade.

Entaun fo koenesimentu ba sira para oinsa mak sira bele prebene-an husi risku aumesmu sira servidu ba osan nomos servisu hasoru ema barak nebe mak ninia karakter lahanesan entaun atu ebita husi kestaun nee la imajina ho nune tenke hanorin sira hodi bele hatene oinsa sira hasoru situasaun hanesan nee dala ruma bele lori staf sira ba problema.

Ohin hau dehan ba sira katak imi servisu iha mikro finansas tenke hatene no kompriende konaba oinsa mak  bele halo analiza data uainhira ita halo intervista ho kliente ita atu foti dadus sira konaba rendimentu nebe mak sira iha nomos gastu sira nebe mak sira gastu sira nee ita hanorin no kompriende dididak konaba uma laran ninian,” katak nia.

Hanorin sira hanesan nee hatene no kompriende klean liutan tanba staf sira nemak sei halo analiza data inosan nebe mak Kaibauk fo kreditu ba sira nee iha loron ikus sira bele selu ho diak dala ruma sira halo analiza data la hatene entaun osan sira nebe mak Kaibauk fob a kliente sira nee aban bain rua selu fali bele hamosu problema iha neba.

Nebe servisu iha kreditu nee persiza halo analiza nebe mak diak purke  halo sistema kontazen nebe mak diak halo atendimentu ba kliente sira kiandu fo kreditu osan boot liu kapasidade nebe mak kliente sira labele selu entaun bele hamosu risku iha futuru sekuandu kliente la selu.

Nuudar fielt officer nebe mak fo nee kliente nee sei sai responsabilidade atu oinsa mak osan nee bele fila entau iha prosesu selesaun persija hare kliente nebe mak ho kualidadi diak atu nune osan nebe mak Kaibauk investimentu finansas fo ba sira nee bele selu fila fali ho diak.

Konaba kliente sira nebe mak atu asesu ba iha Kaibauk Investimentu finansas ninia rekizitus mak hanesan primeru ema nee tenke Timor oan maibe la halo diskriminasaun ba estranjerus maibe Kaibauk investimentu finansas fo prioridadi liu ba Timor oan sira nebe mak iha interse hakarak atu halo sira nia bisnis maibe sira nia kapital la too Kaibauk investimentu finansas bele haboot liu tan negosiu nebe mak sira halao.

Alende ida nee kliente sir abele delu fila fali ba Kaibauk investimentu finansas hanesan instituisaun nebe mak fo osan.

Maibe misaun seluk nebe mak ami iha mos fo kreditu ba sira oinsa sira bele hadia sira nia kualidade moris iha familia nee ho diak isa nee inportante nebe dala ida tan tenke iha kartaun eleitoral hanesan nudar ema Timor oan hodi hatudu katak nee ema original Timor,” tenik nia.

Maibe antes kliente sira atu halo kreditu nee antes nee sira halao tia ona sira nia atividade nee minimu halao tia ona fulan neen antes sekarik foin mak atu hahu maka Kaibauk investimentu finansas sei la fo kreditu ka la fo osan.

Nunemos staf junior iha Kaibauk investimentu finansas  nebe mak tuir treinamentu Ingracia da silva Martins hanesan staf junior iha Kaibauk ohin loron sira halo treinamentu nee aprende kona ba  parsial no risku ninian.

Nebe ohin ami tuir treunamentu nee senti diak tebes tanba koalia liu konab osan nebe iha tyreinamentu nee sira aprende no atensaun hela risku hirak nebe mak iha prosesu osan nian ita despaisa osan ba iha kliente sira,” katak nia.

Iha treinamentu nee bele loke no aumenta sira nia koenesimentu balu konaba lalaok banku ninian nebe mak sira atu hasoru iha sira nia servisu loro – loron hasoru direta ho komunidadu iha baze neba.

Iha fatin hanesan husi Brance ka suskursal Aileu  Albino Felisiano Grasilda hateten sira hanesan  staf foun nebe mak mai konsentra iha fatin ida nee atu halo evaluasaun ba servisu nebe mak halao ona durante nee.

Sira nee mai husi sukursal ka Brance iha teritoriu Timor laran tomak mak konsentra iha salaun Yayasan HAK nee atu kapasita no aumenta sira nia koñesimentu kona ba lalaok servisu fo kreditu osan ba ema.

“Ami husi 13 munisipiu nebe Kaibauk investimentu finansas estabele ona ninia suskursal ohin ami mai atu aprende konaba risku no oinsa ba futuru labele hamosu problema ba ami nia servisu rasik,” tenik nia. EST6

Facebook Comments

Leave a Reply

Your email address will not be published. Required fields are marked *