Kada Tinan Sosa Produtu Lokal

Kada Tinan Sosa Produtu Lokal

- in Economics
712
0
Kresementu

DILI – Kata Tinan Governu liu husi Ministeriu Comersiu Industria e Ambiente (MCIA) foti Orsamentu Jeral Estadu liu husi Programa povu kuda, hodi sosa produtu local, neebe povu sira produs iha rai laran.

Tuir Membru komisaun D Deputada Brigida Correia hatete, povu kuda governu sosa laos sosa produtu hotu, maibe sosa produtu haree, koto, batar, governu tenke sosa povu sira nia produtu lokal.

Hau hanoin iha Centru Logistiku Nasional (CLN) sira iha ligasaun ho grupu agrikultura iha baze, produsaun hira atu  sosa, iha dadus, bele  aloka tuir orsamentu hodi sosa tuir kapasidade orsamentu, hanoin programa nee lao hela, “dehan Brigida ba STL, Sesta (24/03/2017) iha knar fatin PN.

Nia hatete, povu kuda laos hein deit governu sosa, maibe sira mos tenke buka merkadu ba sira nia produtu rasik, faan iha supermarket sira iha Dili laran.

Agora dadaun iha emprejariu barak halo atividade iha area agrikultura no pekuaria, sira sosa produtu lokal, maibe sira dehan produsaun tun, hanesan modo tahan sira stok iha loja volumen sei kiik tebes, seidauk sustenta nesecidade komprador sira iha Dili laran.

Nia hatete, tinan 2017 IJE neebe aloka miliaun U$2 hodi sosa fos importasaun inklui mos  sosa produtu lokal.

Iha fatin hanesan Deputada Josefa Pereira Soares membru komisaun D hatete, Program povu kuda, governu sosa politika husi IV governu konstitusional lori mai PN aprova, povu kuda, governu sosa distribui, maibe hare program provisoriamente deit.

“Ita hare program lao maibe povu kuda, governu ladun ba terenu sosa produtu lokal, tanba nee povu preokupa nafatin programa nee, “dehan Nia.

Nunee mos Deputadu Eladio Faculto de Jesus Bankada Fretelin hatete, produsaun rai laran iha, povu agrikultura sira kuda aihan hanesan modo tahan, sira mai faan iha merkadu Taibesi no Manleuana maibe kondisaun ladun diak ba sira halo negosiu.

Hatan kestaun nee, Administrador  Centru Logistiku Nasional (CLN) Nivio Magalhaes antes nee  katak, Programa povu kuda, governu sosa lao hela, kada tinan governu tau orsamentu lori ba PN aprova hodi sosa produtu lokal, fos importasaun rai iha armajen governu nian hodi responde program merenda escolar, desastre naturais, no halo intervensaun ba merkadu, wainhira fos folin sae iha merkadu.

“Politika Centru Logistiku Nasional (CLN) fo prioridade sosa produtu lokal, maibe produsaun rai laran menus, sei sosa fos importasaun,’’dehan Nia. Josefa dos Santos

Facebook Comments

Leave a Reply

Your email address will not be published. Required fields are marked *