Kada Tinan Selebra Natal, Signifika Natal Ba Ita Ema Nia Moris

Kada Tinan Selebra Natal, Signifika Natal Ba Ita Ema Nia Moris

- in Distritu
5946
0
monumento_lifau

AMBENO-Kada tinan ema kristaun iha mundu tomak, inklui Timor Leste, selebra natal hodi hanoin hikas misteriu inkarnasaun maromak nakfilakan ba ema no moris hamutuk ho ita ema iha mundu.

Nakfilakan ba ema no moris hamutuk ho ita nee mak, Jesus Cristo. Nia moris iha bibi luhan, iha rai Belem. Moris iha fatin neebe simplis tebes. Iha bibi luhan. Maibe justeru husi fatin simplis nee mak, Nai Maromak haklaken ninia ‘Domin no Dame’ ba mundu tomak. Justeru husi fatin simplis nee mak, mosu Naroman Boot ba mundu tomak. Naroman neebe fo moris rohan laek ba ema hotu. Nia maka “Dalan, Lia Los no Moris Rohan Laek” ba ema raiklaran.

Nunee omilia Pe. Paroquia Nossa Senhora do Rosario Numbei, Pe. Fransisco Marques wainhira diriji misa natal, Domingu (24/12/2017). Nia hatete, oras nee ema hotu hela ambiente festa natal. Nai ulun sira aloka orsamentu ba joven bairu-bairu sira hodi harii perzepiu iha sidade laran, iha foho, no elektrisidade ho kor oioin hafurak kada perzepiu, sidade laran sai furak iha tempu kalan. Kestaun hirak nee halo ita nian meiu ambiente sai modernu.

Husi performanicia hirak nee, nia dehan, hamosu pergunta importante rua  ba ita ninia refleksaun. Katak, natal ninia fukun no ninia fokus nee mak saida. Saida mak ita hakarak fo ba Nai Jesus iha loron natal nee.

Klaru ke, natal ninia fukun/centru mak Jesus Cristo. Katak, Maromak mak inkarna iha Jesus Cristo, moris nudar ema no hela hamutuk ho ita ema. Maromak leten ass ba, husik hela ninia knua Santo mai moris hamutuk ho ita ema, tanba “Domin no Hadomi” ita ema. Sertamente, misteriu boot nee, ejiji ema hotu nia resposta atu hadomi no hatudu domin ba Maromak no ba ema hotu. Resposta nee mak, ita hanaran fiar. Konkretasaun husi ita nia fiar ba Maromak, fiar ba Nai Jesus Cristo nee mak, halo ita hetan sakramentu baptismu.

Ho sakramentu baptismu, halo ita sai Cristo Nian Bibi Oan. Nudar Cristo nNia Bibi Oan, kada ema fiar nain tenki sai sasin konaba Cristo. Nudar sasin Cristo nian, ita moris tenki hatudu domin no hadami ba malu. Kria paz ba malu no halo ita konsidera malu nudar maun no alin deit, feton naan deit. Nudar familia ida deit.

Maria no Sao Jose mos ema kiak. Bibi atan sira neebe rona notisia konaba Jesus nia moris, sira hotu mesak ema simples. Misterio ida nee mak ita hanaran misteriu Pobreza de Deus. Katak maromak halo an sai kiak. Maibe liu husi situasaun kiak ida nee mak, foti ita ema nia dignidade. Ho ninia moris, Jesus hakarak foti fila fali ita nia dignidade neebe lakon ona tamba ita ema nia pekadu, tamba ita ema nia arogansia,” hatete Pe. Fransisco Marques.

Jesus foti fali ita ema nian dignidade, sai ba Maromak nia oan, signifika katak, ita tenki fiar metin ba Cristo. Tenki moris tuir konselho evanjeilos sira ninian. Katak, moris kiak, moris obidiente, dehan katak hafutar, ita nia an ho hahalok diak. Moris kiak dehan katak, moris ho simplisidade, maski osan barak, sasan barak, maibe sasan mundu nian nee, sei ladertemina ita nia ema nia fiar. Sasan mundu nian neebe ita iha, sai deit meiu hodi tulun ita ema nia vida, hodi konhese no hadomi liu tan maromak.

Sai obidiente katak, sempre tau maromk nudar fini neebe prioridade liu iha ita nia moris buka atu kompriende maromak nia hakarak ho akontesimentu hotu neebe ita hatur lor-loron nee mak natal, “Se ita la kria ambiente natal ida nee maka natal ba ita nee hanesan deit ho festa babain, no ba ita natal nee laiha sentidu entaun maromak sei prezente realmente iha ambiente natal nee katak maromak halo an kiak ita mos persiza sai kiak hanesan nia,   haraik an moris obidiente no maris santo hanesan jesus halao”.

Natal Lori Paz Ba Ema Hotu

Husi fatin lahanesan, Padre Paroquia Baoknana Pe. Yohanes F. Tamonob hateten, selebracao natal hatudu momos, Nai mMaromak nia presensa ba ema hotu iha mundu. Hatudu Nai hela ema hotu iha nia situacao real ba ohin loron e ba Nafatin.

Presensa  lulik tuir Nai Jesus kosok oan katak Nai Maromak fo salvacao, fo naroman i fo damai ba mundu. Tan nee ohin loron ema hotu Maromak convida atu hakbesik ba Nai Jesus hodi simu espiritu foun ho nunee bele hari unidadde espiritual nafatin ho Nai Maromak mos ho maluk sira iha moris familia, komunidade nomos  entidade hotu.  Hakbesik ba Nai neebe moris atu simu naroman ho nunee bele apresenta domin no laran diak ba malu, pasiensia, ksolok iha moris lor-loron nian,” hatete Pe. Yohanes.

Nia hatete, Dame nee lia haklaken ba ema hotu iha mundu atu apresenta dame ba malu. Buka resolve konflito entre ba malu iha familia, iha komunidade ho nunee ema hotu bele esperienca Natal nee ho dame iha moris nian. Ema hotu, ema ktistao buka lori misao da Natal hodi fo sasin iha moris, iha unidade da serviso, iha resposabilidade ba knar neebe iha. Lori Nai nebe moris atu bele fo moris ba malu tuir naroman espirito nian.

Ligadu ho festa natal nian, estudante timor oan sira iha extranjeiru hatoo sira nia festeja dame natal povo timor leste atu kria nafatin unidade iha rai laran hodi kontinua dezenvolve nasaun nia futuru,

Joao Muni nudar estudante kandidatu doutoramentu iha jogja universitas UGM indonesia hatoo nia sentiment ksolok festa natal nian ba povo oecusse ho mos instituisaun guvernu nian

“Ami hanesan estudante neebe estuda iha estranjeiru  liu loron importante nee ami hatoo boasfesta do Santo Natal 2017 ba komunidade Oecusse, membru PNTL no F-FDTL, no juventude sira. Ho natal ita espera morris diak, moris hakmatek, iha toleransia ba malu, no hadomi malu,” hatete Joao Muni. Abilio Elo Nini

Facebook Comments

Leave a Reply

Your email address will not be published. Required fields are marked *