Kada Parpol Presiza Garante Estabilidade Nasaun

Kada Parpol Presiza Garante Estabilidade Nasaun

- in Distritu
1472
0
Lu Olo

AMBENO-Chefe Estadu Fransisco Guterres Lu-Olo husu lideransa parpol hot-hotu atu garante estabilidade seguransa nasional no paz. Nia mos husu lideransa kada parpol, atu ida-idak hatoo programa politika ba povu, ho nunee povu bele hili ho fiar ida katak, partidu neebe sira hili, bele hadia povu nia moris.

Chefe Estadu Fransisco Guterres Lu-Olo hatoo deklarasaun nee iha dialogu ho lideransa partidu politiku, lideransa konselho suku, membru veteranus, no sosiedade sivil sira iha Salaun Nossa Senhora do Rosario de Fatima, Oecusse, Sabadu (10/9/2017).

Hau hatoo mensajen ba partidus politiku sira ho imi nia militante sira hotu iha kada distritu no rejiaun buka para hatoo ita boot sira nia programa saida mak ita boot sira hakarak atu halo, hodi hadia povo nia moris. Ida nee mak importante, para povu bele kompriende no hili ita boot sira ba partidus politika,” hateten Prezidenti Lu-Olo. Programa sira neebe partidus sira presiza toma atensaun maka hanesan, setor saude, edukasaun, xefe do suku ho buat seluk tan.

Alende nee, Prezidenti Lu-Olo husu ba komunidade sira atu partisipa iha kampaina partidus politikus hodi rona saida deit maka lider parpol sira hatoo. Povu presiza rona no komprende saida mak lider parpol sira hatoo iha kampaina. Atu nunee, povu bele hili parpol neebe mak merese atu hili, no fiar bele garante estabilidade no paz. Katak, bainhira sira kaer ukun karik, sira bele halo mudansa ba ita nia rain.

Agora Timor Leste besik ba eleisaun ona. Deklarasaun oioin komesa mosu iha publiku. “Mas nudar Prezidenti da Republika, hau hakarak apela ba partidus politikus sira, para bele hatoo ita boot sira nia komprimisiu programa iha kampaina ba povu ho forma ida mai husi partidu, para bele garante paz no estabilidade,” apela Chefe Estado.

Violensia bele dalaruma husi ita nia liafuan maka fila fali ba nee ita ona normalmente, provoka reasaun neebe bele resposta hau hanoin diak liu ho forma edukativu ida liu husi ita nia programa nee tenke furak liu ba povo bele hili ho neon hakmatek hanoin hakmatek para lao ba oin hodi dezenvolve ita nia rain.

Ida nee hanesan edukativu ida buka atu hadia ba povo nia moris atu bele harii nafatin ho dignidade nasaun boot nee nian tau ba povo, atu bele hili tuir demokrasia tuir liberdade ema idak-idak nian, iha periode nee nia laran buka fo hatene familia hodi ba vota buat sira haforsa no kaer nafatin nafatin ita nia nasaun.

Mas tenke partisipa sei la partisipa ita sei lakon. Nee laos obrigatoriu maibe kuando ita la ba vota, signifika ita lakon oportunidade ida. Ita la uza ita nia direitu hodi hili nai ulun sira hodi servi ita nia nasaun. Est-5

Facebook Comments

Leave a Reply

Your email address will not be published. Required fields are marked *