Juventude AMP Rejeita Akuzasaun Fretilin, Laretira Mosaun Sensura

Juventude AMP Rejeita Akuzasaun Fretilin, Laretira Mosaun Sensura

- in Politics
7041
0
opiniaun-profesor2_dner

DILI- Juventude Aliansa Maioria Parlamentár (AMP) rejeita akuzasaun mai hosi partidu FRETILIN neebé hanesan asaun ida hodi halo propaganda atu lohi no halo konfuzaun opiniaun públika hodi kontra partidu opozisaun, ho esperansa ida ne’ebé mehi hodi hetan maioria absoluta iha eleisaun antesipada parlamentár nian neebé ho nia kustu presipitadu liu.

Liu husi konferensia imprensa neebe halao iha Novu Turismu, Sesta (8/12/2017), Porta Voz AMP, Juliao da Silva (KHUNTO) konsidera Partidu FRETILIN provoka hela situasaun hodi hamósu krize institusional neebé permite hodi halo disolusaun Parlamentu Nasionál no Elesisaun Antesipada.

Juliao dehan, iha loron 02 fulan dezembru tinan 2017 liu ba, partidu FRETILIN fó sai ona komunikasaun imprensa ida, hodi halao akuzasaun ba Opozisaun Parlamentár kona-bá responsabilidade hodi hahú krize institusionál.

AMP konsidera kontraria tebes ho buat neebé partidu FRETILIN afirma ona no kontinua nafatin halo afirmasaun katak, VII Governu Konstitusionál ne’e la’os eleitu hosi ita nia povu maibé ne’e insensatamente no imprudente nomeadu hosi Sua Excelencia Senhor Presidente da Repúblika, nune’e’e maka limita ona atu informa (no sei la konsulta henesan ezize hosi K-RDTL) ba partidu polítiku sira ne’ebé dadauk ne’e forma opozisaun Parlamentár.

AMP no Bankada Parlamentár husi Opozisaun reafirma nafatin nia kompromisu hodi kontinua respeita no obedese ba Konstituisaun Repúblika, ne’ebé AMP halo hela to’o agora nee. “Ita bele hare’e katak iha hanoin neebé absurdu (irasional) kona-bá akuzasaun ne’ebé mai husi partidu FRETILIN, neebé hatete katak AMP halao hela asaltu poder ka halao hela “ golpe Estadu”, liu husi aprezentasaun proposta rejeisaun ba Programa Governu nian no aprezentasaun musaun sensura ba Guvernu nomós aprezentasaun proposta hodi halo destituisaun ba Prezidente Parlamentu Nasionál.

AMP Laretira Mosaun Sensura

Mosaun Sensura neebe aprezenta husi Aliansa Maioria Parlamentar (AMP) ba setimu governu sei laretira tanba nee desizaun koletivu, maske Primeiru Ministru Mari Alkatiri husu opozisaun atu retira molok aprezenta programa governu daruak iha Parlamentu Nasional.

Tuir Deputadu husi Bankada Khunto Jose Agustinho da Silva, Primeiru Ministru (PM) Mari Alkatiri husu atu opozisaun retira mosaun sensura neebe aprezenta ba governu, maibe nee desizaun koletivu, tanba nee labele maju mundur no desizaun nee sei iha plenaria mak bele deside.

PM hatete atu retira mosaun, maibe desizaun AMP hatama mosaun sensura nee tanba iha desizaun kolektivu, tanba nee ami labele maju mundur,” katak Agustinho ba STL Kuarta (06/12/2017) iha PN.

Nia informa, iha semana kotuk liu ba PM deklara katak larekonese ezistensia AMP no larekonese mosaun sensura, maibe ikus mai koalia fali katak atu retira mosaun sensura. Depois mak lori programa governu daruak mai fali iha PN, nee signifika PM rekonese ona AMP no mosaun sensura. Desizaun komitmentu AMP nian hatama ona iha Meza PN, maibe problema mak prezidente PN oinsa mak konvoka enkontru lider bankada para bele tau ba iha ajenda. Maibe, hein too agora iha buat 3 neebe opozisaun hatoo hanesan mosaun sensura, rekursu ba OR, no destituisaun, prezidente PN seidauk tau iha ajenda.

Haree ba dokumentu sira nee tama ona iha meza PN, nee desizaun koletivu, tanba nee hodi ba plenaria mak bele deside, atu nunee ema hotu haree katak loos mak ida nee mak bele iha desizaun. Mezmu atu ba iha plenaria mak deside maibe importante tenke kria uluk enkontru entre lider bankada mak halo ajendamentu.

Maibe too agora macet hela iha reuniaun entre lider bankada ho prezidente PN, tanba prezidente PN prefere simu liu bainaka sira seluk duke reuniaun entre lider bankada atu hodi halo ajenda ba asuntu sira neebe mak prezidente rasik simu.

Entretantu jornalista koko komfirma ho Deputadu husi Bankada CNRT Jacinto Viegas maibe, nia hatete ida nee lider bankada sira mak bele koalia liu kona ba asuntu sira nee, tanba nee nia labele fo komentariu.

Nunee mos Reitor IOB Augusto da Conceicao liu husi via telefone hatete, “Kona ba Primeiru Ministru (PM) husu atu opozisaun retira mosaun neebe aprezenta ona hau hanoin nee politikamente PM ho bankada opozisaun atu iha kooperasaun diak hodi avansa ba programa II,” katak Reitor IOB.

Karik governu VII  nee monu, oinsa haree ba situasaun ba oin, Reitor IOB hatete, Prezidente Republika (PR) sei lanonok, tanba nee PR sei foti desizaun tuir konstituisaun atu nune labele fo impaktu ba negativu ba povu no nasaun ida nee. Tomas Sanches/M.Mau/ Guilhermina Franco

 

Facebook Comments

Leave a Reply

Your email address will not be published. Required fields are marked *