Justisa Tenki Vale Ba Ema Hotu

Justisa Tenki Vale Ba Ema Hotu

- in Krime
150
0
injustice

DILI- Justisa tenki vale ba ema hotu, tanba ema hotu hanesan iha lei nia okos. Needuni sidadaun hotu hotu tenki prosesa tuir lei neebe maka vigora iha TL.

Prosesu justisa tenki justu no vale ba ema hotu, tanba ema hotu hanesan iha lei nia okos. Needuni sidadaun hotu hotu tenki prosesa tuir lei neebe maka vigora iha Timor Leste,” dehan Membru ONG Ajar (Asiaan Justice Right), Inosensio Xavier ba STL, iha UNTL, Tersa(12/09/2017).

Tuir Inocensio katak, ema hotu iha esperaansa ba governu foun  neebe mai, hein katak ministeriu justisa iha TlL bele halo servisu parseria ho Ministeriu kompetente balun iha etraanjeirus, no iha politika bilateral hodi halo komprimisu ho nasaun CPLP, tanba agora dadaun Emilia Pires iha hela Portugal. Bele husu ba Portugal nia kolaborasaun atu lori fila Emilia Pires mai Timor Leste.

Nia hatutan, Timor Leste mos sai membrus ba interpol, mesmu seidauk iha politika bilateral ba estradisaun, sewainhira lori prizioneiru neebe maka halai husi rai laran ba rai liur, tenki iha akordu estradisaun. Maibe bele liu husi dalaan seluk hanesan politika bilaterais hodi konvoka bele lori fila fali mai, tanba parseria.

Ba oin ami nafatin ensiste, mesmu Emilia Pires ba subar to rai dok, ita husu para governu bele lori fila fali mai, liu-liu prokuradoria jeral sira. Komisaun anti korupsaun sira kontinua halo kontaktu ho parseirus iha nasaun sira neebe maka ita nia arguidu hela ba, hodi lori lalais mai hasoru prosesu justisa nia ho klaru,”.

Nia dehan, Eis Ministra labele tauk, tanba agora dadaun estatus Eis Ministra sei nudar prejensaun inosensia hela, signifika katak sei iha hela akujasaun nia laran, to tribunal fo sai dehan sala duni, tanba nee presija tebes  kolaborasaun neebe diak husi Eis Ministra rasik ,nune mos husi parte justidsa bele halo nia servisu no hatudu katak Justisa Vale ba ema Hotu”.

Iha parte ketak Deputadu husi partidu KHUNTO Jose Agustinho da Silva hateten problema asesu ba justisa neebe efetivamentetenki klaru ba ema hotu,tanba nee tenki identifika nanis ona obstaklu sira nee nune,jurista sira  bele eleva duni kapasidade.

Tuir Deputadu Jose Agostinho husi Partidu KHUNTO fo haanoin ba parte justisa, kona ba Kazu korupsaun ba Eis Minstra Emilia, parte justisa Presiza iha Kolaborasaun diak ho parte Interpol sira nune bele iha komunikasaun neebe diak to loron lori fila fali nia mai hodi bele prosesa tuir Lei.

Tanba nee hau dehan tenki identifika naanis ona obstaklu sira nunee, jurista sira bele eleva duni kapasidade, husi Ministeriiu Publiku rasik, Prokuradoria Jeral no Polisia sira bele kolabora hamutuk hodi implementa lei tuir espiritu lei nia duni. Laos tuir ema nia hakarak,”d ehaan Deputadu Jose Agustinho da Silva.

Alem de nee, deputadu sita mos kona ba, oinsa mak bele hareee no fasilita juiz sira nia salariu mos, tanba wainhira fasilidade neebe kompletu no sufisiente sira bele halao servisu ho diak no ho komfrontavel moris tenki diak. Maria Lay/Carme Ximenes

Facebook Comments

Leave a Reply

Your email address will not be published. Required fields are marked *