Justisa Tenke Justu Ba Ema Hotu

Justisa Tenke Justu Ba Ema Hotu

- in Krime
242
0
injustice

DILI– Naasaun ida atu la ba oin, presiza orgaun justisa tenke servisu ho imparsial, para nunee bele garante justisa neebe justu ba ema hotu.

Ita nia orgaun justisa tenke servisu ho diak, ho imparsial atu bele garante justisa neebe justu ba ema hotu, agora iha ema barak mak buka hela justisa, no hein hela justisa tanba nee, orgaun justisa nafatin iha konfiansa atu bele servisu ho diak,” dehan finalista UNTL Mateus Souza ba STL iha Kampus Caikoli, Tersa (24/10/2017).

Nia haree servisu justisa komesa lao ba oin maibe, iha kazu balu neebe povu hein hela nia rezultadu. Ho servisu justisa nian, bele buka lia loos, hodi lori ema neebe komete iha krime, ba hatan iha tribunal.

Iha fatin hanesan, Akademika Manuela Simoes hateten, prosesu justisa nian ba krime neebe iha, lao ho prosesu naruk, maibe fiar katak sira bele foti lalais desizaun ba kazu balu neebe ukun nain balu komete.

Ita esperansa katak orgaun justisa sei servisu makaas, liu liu prezidente tribunal atu bele foti desizaun ba kazu senhora Emilia nian, no mos kazu nebee povu hein hela nia desizaun,”esplika Manuela.

Nia husu orgaun justisa tenke halao parseru ho organizaasaun sira seluk, atu bele haforsa sira iha servisu neebe sira halao. Tanba husi koperaasaun bele halao servisu ho diak, no susesu iha futuru. Terezinha de Deus

Facebook Comments

Leave a Reply

Your email address will not be published. Required fields are marked *