Juis Lamarka Prezensa, Julgamentu Kazu FD Adia

Juis Lamarka Prezensa, Julgamentu Kazu FD Adia

- in Metro
35
0
CENTRO_E_FORMACAO_JURIDICA_07

DILI-Tribunal Distrital Dili (TDD), Kinta (7/3/2019)adia hikas prosesu julgamentu ba kazu Falsifikasaun Dokumentus (FD). Neebe,komete husi arguida MFV hasoru lezadu EP, tanba juis nain rua (2) lamarka prezensa.

Juiza Prosesu Sribuana da Costa dehan, julgamentu lalao tanba krime nee julgamentu juis kolektivu. Husi juis nain tolu nee iha juis ida sei iha lisensa materidade nia laran, juiza ida sei ba rai liur.

Ho rasaun nee, tribunal adia hikas julgamentu ba loron 21 fulan Marsu 2019, oras tuku 16:00 loraik hodi hahu julgamentu.

Tuir akuzasaun neebe iha katak, iha loron 16 fulan Novembro 2015, arguida MFV halao kontratu servisu ho NGO Child Fund too loron 30 fulan Junu 2016, hodi halo programa halo rejistu ba labarik husi tinan 0 too tinan 5.

Banhira termina kontratu refere, hanaruk tan servisu ba arguida. Iha loron 29 lezadu EP simu telefone husi testamuna AT, kona-ba pagamentu transmisaun direta, momentu tanba prekupadu lezadu haruka testamuna ba koalia direta ho xefi marketing.

Iha momentu neeba, testamuna lori invoice pagamentu rua, neebe hakerek lezadu nia naran, hafoin xefi marketing telefone ba lezadu atu mai haree invoice refere, lezadu hateten katak, laos lezadu maka halo tanba nia servisu xefi departementu no responsabel orienta jornalista halo kobertura.

Lezadu hateten iha involve hakerek lezadu nia naran lalos Eligio, lolos maka Elisio.

Tuir deklarasaun testamuna, invoice nee halo pagamentu imediata ba arguida MFV.

Arguida hatene nia hahalok nee halo dokumentus falsu, maibe nia kontinua halo nafatin.

Tanba nee, konsidera arguida hanesan autor material ho forma konsumada ba krime falsifikasaun dokumentus neebe previstu iha artigu 303 husi KP.

Audensia julgamentu nee, prezde husi juis kolektivu, juis prosesu Sribuana da Costa, Ministeriu publiku reprezenta husi Prokurador Nelson Carvalho, arguida hetan asistensia legal husi Defensor Publiku Jose da Silva.Terezinha De Deus

Facebook Comments

Leave a Reply

Your email address will not be published. Required fields are marked *