Joventude Tenke Muda Mentalidade Hodi Hadia Moris

Joventude Tenke Muda Mentalidade Hodi Hadia Moris

- in Politics
297
0
iniverdadue

DILI- Joventude Timor Leste (TL) agora barak maka sei la hetan serbisu, tanba nee joventude sira hahu agora tenke muda sira nia mentalidade, hodi kompete ho traballador estranjeiru sira atu serbisu hodi muda sira nia moris.

Lia hirak nee hatoo husi Ekonomista Alvaro da Costa Soares, ba STL iha nia knar fatin Liceu, Dili, sesta (17/03/2017).

Ami durante nee hare governu produs ona joventude barak, liu husi formasaun ho kualifikadu, maibe seidauk bele kompete ho traballador estranjeiru, tanba sira nia mentalidade la preparadu, tanba nee ami husu ba joventude tomak hakarak hadia moris, tenke muda mentalidade para ba futuru bele hadia ida-idak nia moris,”hateten Alvaro.

Nia mos aumenta tan katak, mentalidade joven sira nian nee importante tebes atu halo kompetisaun iha kampu maibe, dala ruma mentalidade Timor oan nian seidauk diak tan nee impaktu mos ba sira atu halo servisu iha trenu, tan nee sira husu tenke kria eskola vokasional atu nunee bele produs ema neebe ho eskil diak, bele partesipa iha dezenvolvimentu nia laran.

Tuir Vice Ministru Obras Publiku Transporte e Komunikasaun, Inacio Moreira antes nee hateten, kada tinan SEPFOPE kria formasaun ba ema rihun ba rihun  liu-liu iha area konstrusaun sira nee no balun hatudu duni sira nia kapasidade maibe, iha balun tenke muda mos sira nia mentalidade de servisu atu nunee bele kompete iha merkadu traballo. Joao Anibal

Facebook Comments

Leave a Reply

Your email address will not be published. Required fields are marked *