Joven Nakonu Iha Portaun  F-FDTL

Joven Nakonu Iha Portaun  F-FDTL

- in Nasional
106
0
image002

DILI-Joven lubun boot ida, tantu feto no mane, sena malu iha portaun Kuartel Jeral Falintil- Forsa Defeza Timor-Leste (F-FDTL), hodi hein foti formulariu rekrutamentu membru F-FDTL foun  iha 2020.

Joven hirak nee desde dader san tuku 6:00 Otl,  barak hahu ba iha Kuartel Jerál F-FDTL Fatuhada-Dili, hodi hetan formulariu rekrutamentu F-FDTL 2020. Nunee portaun kotuk Kuartel F-FDTL, nakonu deít ho joven neebe hakarak foti formulariu hodi konkore ba rekrutamentu forsa F- FDTL 2020.

Segundu Vise Komisaun Rekurtamentu F-FDTL tinan 2020, Costancio Moreira dehan total formulariu neebe fahe iha kuartel jeral kada estasaun hamutuk atus tolu (300), no formulariu sira nee hahu fahe ohin (14/12/2019), maibe kuandu la hotu sei kontinua too loron aban (15/12/2019) too aplikante sira hetan hotu formulariu.

Em prinsipiu ami iha ordem komandu, liu-liu prezidente komisaun hatete, ami iha fleksibilidade tempu, signifika ami nian disponibilidade atu atende rekrumtamentu nee bazeia ba kondisaun iha terenu, kuandu ohin formulariu la too lokraik ami informa ba presidente Komisaun, no informa ba Jeneral para sira hola desizaun ruma kona ba situasuan neebe ami infrenta iha terenu, dehan Costancio.

Nia  admite, iha orientasaun lubuk boot ida mak komisaun fo ba aplikante sira neebe mak sira halo, no labele halo, ida sira halo sira mai atu simu formulariu, ida sira labele halo mak labele kria problema iha fatin nee, maibe sira simu hotu tenke fila ba hela fatin hodi prepara sira nian saude para oinsa bele tama iha faze tuir mai.

Enkuantu formulariu sira neebe aplikante sira simu iha Kuartel Jeral F-FDTL, sei hatama iha kada idak idan nian suku original iha loron 6 fulan Janeiru tinan 2020, hodi nunee ekipa sira sei ba halo levantamentu iha munisipiu.

Costancio relata komisaun rekrutamentu servisu tuir misaun neebe atribui mai komisaun hodi halo preparasaun lubuk ida antes tama fase divulgasaun, informasaun iha fahe formulariu. “Antes ami too mai iha ne’e hodi fahe formulariu segunda fase iha nivel nasional hahu semana tolu kotuk ba dia 15 ami halo ona distribuisaun iha suku tomak iha teritoriu laran tomak, no hetan koperasaun hosi autoridade lokal, no buat hotu lao diak,” dehan nia. Alberto Menezes

 

Komentariu

Facebook Comments

Leave a Reply

Your email address will not be published. Required fields are marked *