Joven Antrian Iha Embaixada Portugal

Joven Antrian Iha Embaixada Portugal

- in Nasional
117
0
download (42)

DILI-Relasiona ho kampu servisu neebe menus iha rai laran, halo Joven barak antrian iha embaixada Portugal,para bele hetan pasaporte,hodi ba servisu iha rai liur.

Lamentasaun nee, hatoo husi, Direitur Ezekutivu HAK,Manuel Monteiro, dehan, too agora joventude barak, sei kontinua antrian iha embaixada Portugal,hodi bele hetan pasaporte, atu bele ba servisu iha rai liur, maibe ema balun kontenti, maibe nee moe, tanba saida governu lakohi kria kondisoins neebe diak ba Joven sira nee.

Ita la konsege rezolve,tanba ita nian travallador sira nee, sai laos dehan katak, laos ita nian travallador sira nee profesional duni, no ita nian travalador sira nee, tempu ita atu prepara sira nee laiha, tanba ita nafatin exporta  ita nian travalador sira nee, enkuandu sira ba, atu bele kontribui ba buat ruma, no ita nian rasik resin ona, maibe agora ita nian iha neebe.Ita presiza travallador mai ami, dehan Manuel ba STL iha nia knar fatin Farol Dili Kuarta  (22/01/2020).

Nia hatete,Joven sira neebe mak sai nee, hanesan politika ida desbia, sira nian responsabilidade,no sira rasik lakohi foti sira nian responsabilidade,tanba haruka Joven sira ba servisu iha Australia, Korea no Irlandia.

Iha fatin la hanesan, Direitur Luta hamutuk, Jose Alves da Costa,hatete, ho impase politiku ida nee, sei aumenta numeru dezempregi iha rai laran, no Joven barak mos sai ba servisu iha rai laran, tanba kada tinan Joven tantu feto ka mane ba servisu iha rai liur, tanba TL sei menus kampu servisu.

Ita nian impase ida nee,ba oin ita nian numeru dezempregu mos sei kontinua aumenta, tanba ita laiha kampu servisu,halo ita nian Joven barak mos ba servisu deit iha liur, tenik nia

Entrentantu Cosme de Jesus Soares,hanesan joventude suku Bairo-Pite,Aldeia Likarapoma,dehan, tuir lolos governu tenke kria kampu servisu ba Timor oan sira, atu nunee ema labele sai ba buka servisu iha ema nian rai, maibe laiha servisu,entaun ema barak sai ba servisu iha liur.

“Se ita nian kampu servisu menus, ema tenke sai ba liur, para buka nia moris,agora Joven feto ka mane barak ba servisu iha Australia,”dehan nia. Jacinta Sequeira/Madalena Horta

 

 

Komentariu

Facebook Comments

Leave a Reply

Your email address will not be published. Required fields are marked *