Jogu LFA Premeiru Divizaun, AS Ponta Leste Lakon 1-0

Jogu LFA Premeiru Divizaun, AS Ponta Leste Lakon 1-0

- in Desportu
9001
0
FUTEBOL-AMADOR2

MALIANA–Ekipa FC AS Ponta Leste halo istoria foun iha Jogu Super Taca Liga Futeboll Amadora (LFA) Tinan 2016, Sabado (25/3) loraik, hasoru ekipa FC Karsae iha LFA premeiro divizaun tinan 2017 iha Kampo Stadion Municipal Malibaca–Yamata Maliana, Autoridadae Municipal Bobonaro.

Iha jogu nee, ekipa AS Ponta Leste  lakon 1-0 ho ekipa FC Karsae. Jogu nee dijidu husi arvitu, Pedro de Carvalho, Lemen Aniceto Berlelo no Francisco Pereira.

Maske jogu iha udan boot maibe la impede espiritu futebolista husi  ekipa rua. Iha premeira parte ekipa rua uza meios tatika ofensivo ba qaurda redi husi ekipa rua nian, maibe la konsege hatama golu.

Iha premeira parte kapitaun ekipa AS Ponta Leste, ho numero 26 Lanberto Gama ho nia kolega sira sempre fo amiasa  guarda redi   ekipa Karsae, maibe lakonsege fo rezultado. Tamba, guarda redi FC Karsae Dimentino Leon, sempre salva hela bola, wainhira hetan suta husi jogador ekipa AS Ponta Leste. Aleinde ne’e, bek husi Karsae, jogador numero 5 ho naran Constantino Guteres,  sempre uza estrategi hodi suta sai husi meio kampo ba area AS Ponta Leste.

Entertanto, iha segnudo parte, kapitaun ekipa husi Karsae, Nataniel Reis ho nia kolega sira sempre fo amiasa guarda redi ekipa AS Ponta Leste, maibe guarda redi Adelino Fernandes sempre salva bola husi sira nia meio kampo. Aleinde ne’e, Bek AS Ponta  Leste mos hatudu esforsu hodi suta sai husi meio kampo iha sira nia area.

Iha premeira parte, jogador ho numero 6 husi ekipa AS Ponta Leste halo falta, tamba tebe jogador husi FC Karsae nian. Arvittrajen, Francisco Pereira hu’u arvitu hodi hatudu kartaun kinur ba jogador  numero 6 ho naran Adelino Coelho husi AS ponta Leste.

Iha segundo parte , arvitragen fo tan kartaun kinur ba jogador nomero 8 ho Nataniel Reis no jogador numero 26 ho naran, Lanberto Gama husi AS Ponta Leste hetan kartaun kinur. Aleinde ne’e, ih segundo jogu, jogador numero 27 Silvero Garcia husi Karsae hetan kartaun kinur, tebe hasoru jogador husi ekipa AS Ponta Leste.

Iha segundo jogu, kapitaun ekipa Karsae Nataniel Reis ho nia kolega, hatudu esforsu hodi halo defensivo maka’as iha area besik guarda redi AS Ponta Leste. Suta sira husi jogardor Karsae, halo guarda redi, AS Ponta Leste Aderito Fernandes hasoru sitausaun dificil.

Iha minutu 74, ekipa FC Karsae, liu husi jogador No. 9 ho naran Edit R.C. Savio  fo marca ida  besik iha riska 16 no hetan kavesada husi ninia kolega, halo guarda redi AS Ponta Leste nian,  labele salva bola, Skor 0-0, muda sai 1-0.

Iha oportunidade ne’e, kapitaun ekipa AS Ponta Leste, Lanberto Gama  ho ninia kolega sira, muda taktika hodi halo ofensiva fo presaun liu husi tebe amiasa ba guarda redi, maibe sira labele muda situasaun to’o arvitrajen, Pedro de Cvalho hu’u arvitu hodi finaliza jogu.

Antonio da Silva, komunidade hadomi bola iha Maliana hatete, nia deskontente ho actividade nasional mak realiza iha autoridade Municipal Bobonaro, komunidade barak mak la hetan imformasaun. Tamba ne’e, numero ema mak asite uit oan liu,kompara ho final LFA super taca tinan 2016.

Iha tempo hanesan, Aida dos Santos Pereira, komunidade hadomi bola husu ba autoridade lokal, atu realiza actividade nasional iha Maliana, persiza pasa imformasaun liu husi avizu hodi sirkula iha sidade Maliana, atu bele komunidade barak mak asiste. Tamba, eventu nasional ba desportivu, mak realiza iha nivel lokal bele atrai joven sira, atu envolve iha vida desportivu nivel nasional.

Hakarak husu ba autoridade lokal, atu atrai hodi promove talento ba joven sira iha vida desportivu, persiza fahe imformasaun ba komunidade. ita realiza actividade nasional, mais ema iha sidade Maliana deit mos barak mak la hetan imformasaun,: Aida hatete.

Jogu premeiro divizaun iha Maliana ne’e hetan asiste mos husi Presidente Autoridade Municipal Bobonaro, Zeferino Soares dos Santos no komunidade atus ba atus iha sidade Maliana, kapital autoridade Municipal Bobonaro. Jogu LFA, premeiro divizaun, Domingo (26/3) iha estadion Municipal Malibaca-Yamato Maliana, FC Portu Taibesi hasoru FC Karketu. João Mau Leto

Facebook Comments

Leave a Reply

Your email address will not be published. Required fields are marked *