Joel Rui Mausoko Casimiro

Joel Rui Mausoko Casimiro

- in Perfil
1728
0
PROFIL Casimiro

ERMERA nia naran laos deit morin iha rai laran, maibe morin mos iha rai liur. Ba saa? Ermera iha produtu primadona neebe hanaran “Kafe Ermera”. Laos nee deit. Ermera oan barak mak sai ema susesu iha area oi-oin, tantu iha area politika, ekonomia no sel-seluk tan.

Joel Rui Mausoko Casimiro nuudar Ermera oan ida neebe halao nia vida politiku iha Partidu Republikanu. Nia mak Prezidenti Juventude Republikanu (JR). Moris iha Aldeia Kletrema, Suku Suco Koilate-Leotelo, Postu Administrativu Hatulia, Munisipiu Ermera. Aifunan domin husi Fernando Casimiro ho Olandina dos Santos Babo.

Oan primeiru husi maun alin nain 9  kompostu husi mane 3 no feto 5. “Hau hanesan mane boot hola responsabilidade ne’ebe sempre motiva alin sira ba eskola,” dehan Joel ba STL foin lalais nee.

Joel Rui Mausoko Casimiro hahu eskola iha Eskola Primaria Katolika Nossa Senhora Imaculada da Conçeição Ermera Vila iha tinan 2000 to’o klase 4 deit tinan 2005, muda fali ba Eskola Primaria Publika Hulorema Rejiaun IV Ermera no remata iha tinan 2006. Hahu kedas ba eskola Pres-Sekundariu Nossa Senhora Imaculada da Conçeição Ermera iha tinan 2006, remata iha tinan 2008.

Depois nia kontinua iha Eskola Tekniku Professional Hosbiltalidade no Turismo “Mater Miscericodie” Gleno iha tinan 2009, remata iha tinan 2011, hahu kedas kontinua estudu iha Esinu Superior Universidade da Paz (UNPAZ) Fakuldade Ciensia Sosiais e Humaniora Departementu Politika Dezemvolvimentu hahu iha tinan 2011, remata iha tinan 2015.

Hau nia mehi hakarak sai Padre maibe la realidade tamba buat hotu ita mak planu maibe Maromak mak determina,” dehan Joel neebe gosta fitnes, hiit bessi, tinju, liu-liu gosta hakerek artikel Sosial Politika Dezemvolvimentu nian.

Iha tinan 2012, nia tama ba Partidu Republikanu (PR) to agora. Iha tinan 2017 liu husi  Komferensia Lider Nasional ho Tema “BOK AAN” nia hetan fiar husi maluk Presidente Partidu Republikanu  Dr. Joao Mariano Saldanha, Ph.D ho estrutura tomak fo fiar ba nia hanesan Presidente Juventude Republikanu (JR) no knar seluk mos hanesan Servisu Komunikasaun Media Sosial Republikanu nian no mos hamotuk ho Maluk Juventude sira hari Organizasaun ida ho naran Movimentu Juventude Partidu Republikanu (MJPR) hodi servisu makas no lori Republikanu sai buras liu tan iha nasaun Timor-Leste hodi partisipa iha Festa Demokrasia hodi Kontribui ba Dezemvolvimentu Nasaun ne’e nian.

Hau hili Partidu Republikanu tamba hau hare ba Visaun ho Misaun Republikanu nian klaru duni ba Povu no Nasaun ida ne’e nia Futuru. Visaun PR mak Uma Lisan Ba Timor Oan Hotu Nasaun ida ho Oportunidade. Misaun mak Luta ba Moris Diak, Unidade ho Demokrasi.
“POVU NIA LIAN MAK LEI AS LIU”.

Durante halao kampania eleisaun parlamentar, Joel ho nia maluk joventude sira hato’o programa lubuk PR nian mak hanesan, Uma  Moris Diak, Kreditu Moris Diak, Be Moris Diak, Servisu Moris Diak, Funu Hasoru Korupsaun, Birokrasia, Igualidase Generu, Servisu Saude Ba Moris Diak, Infraesturtura Protokolu to’o Rural no Turismo. Carme Ximenes

Facebook Comments

Leave a Reply

Your email address will not be published. Required fields are marked *