Jocelino Belmarco Alves

Jocelino Belmarco Alves

- in Perfil
843
0
Profil Jocelino

MANE bonito ho naran kompletu Jocelino Belmarco Alves nee uluk mehi hakarak sai ema tekniku diak. Ikus mai konsege realiza duni mehi nee. Agora dadaun nia mak  asumi kargu Director COMMUNITY HOUSING LIMITED Timor Leste.

Nia konsidera kargu neebe nia asumi ses uitoan husi nia area tanba nia espesifiku area elektroniku, maibe agora nia implementa halo konstrusaun ba uma ida iha intermus teknika ladun iha diferensia, tanba aplika tekniku hotu kuaze hanesan deit. Oinsa mak maneza projetu no implementasaun projetu, maibe nia servisu agora liu-liu iha konstrusaun ba halo uma.

Lospalos oan neebe moris iha Suku Fuiloro, Postu Administrativa Lospalos, Munisipiu Lautem, 8 Janeiru 1976, nuudar oan dala lima (5) husi maun alin nain hitu (7), aifuan domin husi Jose Alves (Fuiloro) no Cristina da Fonseca (Tutuala).

Jocelino forma ona uma kain ho Dulse Finella. Oras nee sira iha ona oan nain tolu. Oan primeiru ho naran Naysa Belmarco (10) eskola klase V iha eskola Mahardika Internasional School Fatuhada, Dili, oan segundu ho naran Michello Belmarco Alves (Eskola Klase IV) no oan terseiru ho naran Hartzel Rosifalo Belmarco Alves (Eskola Klase III). Oan nain tolu nee eskola hotu iha Mahardika Internasional School Fatuhada, Dili.

Jocelino hahu eskola primaria iha Bairo Formosa Dili (1982-1988). Eskola Pre-Sekundariu Bairo Formosa Dili (1988-1991) no Eskola Sekundariu Colegio Fatumaka, Baucau (1991-1994). Depois remata husi Eskola Sekundariu Fatumaka, kontinua iha Universidade Gajah Mada (UGM) Yogjakarta, Indonesia, Fakuldade Teknik Elektro iha tinan 1995-2001.

Hau uluk sei kiik mehi tiha ona oinsa mak atu bele sai ema tekniku diak, nunee ikus mai hau konsege realiza duni mehi nee, maibe iha tempu neeba ita seidauk hatene lolos tekniku nee ita atu  sai saida? bainhira hau  haree ema tekniku sirahau intresadu tebes ho sira nia servisu tekniku nian,” dehan Jocelino Belmarco Alves ba STL iha nia knar fatin COMMUNITY HOUSING LIMITED Fatuhada, Dili, Tersa (12/9/2017).

Hahu iha eskola Pre-Sekundariu no Sekundariu, liuliu iha area tekniku nian, nia gosta ona mate matika no fisika. Nunee nia komesa estuda makaas oinsa bele reforsa estudu iha teoria hanesan matimatika no fisika nomos kimika. Tanba nee, remata husi Colegio Fatumaka, nia prepara atu tuir teste tama UGM. Iha regras se mak hakarak tama UGM tenke liu husi teste no hetan valor aas mak bele tama iha UGM ho fakuldade neebe nia gosta.

Iha tempu neeba nia intresadu teb-tebes tama iha fakuldade engeneria elektroniku. Iha altura neeba presiza ema neebe nia valor aas, tanba ema hotu hakarak tama iha fakuldade nee. Signifika hanesan fakuldade neebe elit ho razaun bainhira sira remata husi fakuldade energia elektroniku nee bele hetan servisu lalais. Nunee estudante hot-hotu esforsuan hakarak tama iha fakuldade energia elektroniku. Atu tama fakuldade ida nee presiza valor neebe diak hanesan, matematika, fisika, biologia, Ingles no sira seluk.

Iha tempu neeba nia valor diak teb-tebes grasa dedeus hau konsege tama UGM fakuldade elektroniku iha tinan 1995 no remata teoria iha tinan 1998. Depois nia kontinua ba pratika, tanba tekniku nee tenkeser pratika no Kulia Kerja Nyata (KKN), maibe altura neeba iha tinan 1998 situasaun politika komesa provoka ona.

Nunee Jocelino mos involve iha RENETIL, komesa fahe ona konsentrasaun, nunee para tiha estudu iha 1999 hodi konsentra iha organisazaun RENETIL.Tanba ho mehi hakarak halo buat ruma ba nasaun, nunee sira konsege realiza aktividade RENETIL iha Jakarta, Indonesia, ikus mai konsege alkasa ukun-rasikan.

Nia komesa fali estudu iha tinan 2000. Nunee fulan tolu (3) nia pratek no fulan tolu KKN. Depois nia halo tesis kuaze tinan ida nia laran hodi remata nia estudu no graduadu iha tinan 2001. Iha situasaun neebe susar teb-tebes. Tanba altura neeba iha situasaun neebe difrente, liu-liu dosentesira mos barak mak la kontente ho Timor nia independensia. Maibe sira konsege koalia ho dosente sira katak ida nee mak demokrasia povu nia hakarak.

Ramata estudu husi UGM iha tinan 2002 nia konsege srvisu hanesan staff ahli ba  iha Kompania Philives, nunee iha tinan 2003 fila mai Timor sai hanesan assisten project Manajer PMU Asia Development Bank iha projetu ba TL.

Tuir nia, situasaun agora iha TL uma sai problema boot, nunee sira tenta servisu hamutuk ho governu no intidade sira seluk. Tanba sira iha kapasidade konaba halo konstrusaun ba uma, neebe kondis ou responde ba kondisaun neebe siguru, tanba iha Konstituisaun RDTL artigu 58 konaba hela fatin neebe deklara katak ema hotu iha direitu ba nia an, nia familia atu iha uma ida ho nia dimensaun no kondisaun diak no konfrontu atu bele iha intimidade ba ema ida-idak no privasidade familiar. Ida nee mak sira implementa hanesan baze ida sira alkansa.

Oras nee, Community Housing LIMITED servisu hamutuk ho Timor GAP no Ministeriu Petroleum no Rekursu Minarai sira halo ona uma 72 iha Suai. Tanba komunidade sira apeita husi Aeroportu Suai, nunee komunidade sira tenke muda sai husi fatin nee, nunee sira halo diskusaun ho governu laos fo deit umaka osan. Maibe kria fali servisu ida hodi involve fali komunidade sira.

Iha tempu neeba Ministeriu Petroleum intersante ho tekniku neebe COMMUNITY HOUSING LIMITED halo diak teb-tebes. Nunee sira konsege disena treinamentu ho konstrusaun dala ida. Nunee sira konsege halo uma 72, projetu nee integradu kompletu ho estrada, bee mos no eletrisidade. Servisu lao ho diak, oras nee komunidade sira uza ona uma sira nee.

Ba oin bainhira governu fo fiar nafatin ba sira atu halo konstrusaun umaba komunidade sira neebe apeitadu ba intrese nasaun nian, sira pronto atu kontribui. Tanba nudar timor oan nasionalismu hakarak harii involve konstrusaun de estadu prontu atu kontribui servisu ho governu no intidade hot-hotu iha Timor laran tomak. Maibe importante tenke iha lei ida hodi suporta ba desenvolvimentu liu-liu iha area konstrusaun uma nian.Augusto da Costa

Facebook Comments

Leave a Reply

Your email address will not be published. Required fields are marked *