Joao Hakotu Iis Iha Prizaun

Joao Hakotu Iis Iha Prizaun

- in Nasional, Notisias Online
38
0
download

Editora: Domingas Gomes

DILI- Prezu ho naran kompletu Joao Batista da Silva ho idade 74 hakotu iis iha prizaun Becora iha loron (6/01/2020) tuku 05:25 madrugada, tanba moras.

Tuir Diretor Prizaun Becora João Domingos katak, dadur tama iha nee iha loron 17 novembru 2019, seidauk kompleta ba fulan rua, nia mai ho kondisaun moras.  Tribunal kondena matebian pena prizaun tinan 7, tanba provadu halo violasaun sexual menor,

Husi prizaun lori ba tratamentu iha ospital nasional guidu valadares, no ikus liu halo tratamentu horseik, mediku sira haruka fila fali mai prizaun, dehan Joao ba jornalista sira iha Prizaun Becora, Segunda (06/01/2020).

Nia hatutan, buat hotu hotu rezolve tuir ida idak nia kompetensia. Ida nee horikalan guarda prizional sira asegura, no nia hakotu iss iha oras 05:25 minutus madrugada.

Nia esplika liu tan, moras neebe maka dadur iha nee komplikadu, sira labele fo sai tanba nee doutor sira maka hatene liu konaba nee. Tanba sira seidauk iha relatoriu konaba dadur nee nia moras.

Nunee rona relatoriu husi guarda prizioneiru sira neebe tama kalan, rezolve tuir lei neebe iha. Depois ida nee informa ba director nasional nomos informa ba autoridade relijiozu nian, tanba nia religiaun katolika para bele fo bensaun, tanba kapela iha nee.

Diretur nee salienta tan, la konsegue fo bensa, tanba padre mos moras hela neemak informa ba familia sira lori ba nia moris fatin maka bele fo bensa no husu misa.

Agora guarda prizioneiru sira halo despedida no entrega ba familia, guarda sira mos akompana too iha matebian nia moris fatin iha munisipiu Baucau.

Nia dehan, mate nee segredu maromak nian, maske sira esforsu para bele moris, maibe nee maromak nia planu tenke hakotu iis.* Terezinha De Deus

Komentariu

Facebook Comments

Leave a Reply

Your email address will not be published. Required fields are marked *