João Boavida

João Boavida

- in Perfil
95
0
PROFIL Joao

BUCOLI-hanesan suku ida iha Postu Administrativu Baucau iha ninia riku soin matenek nain barak. Balu haknar an iha governu, NGO, military, polisia, jornalista no setor privadu. Riku soin ida mak Joao Boavida. Agora daudaun asumi kargu nuudar Direktur Exekutivu NGO Centru Paz no Dezemvolvimentu (CEPAD).

João Boavida, moris iha Suku Bucoli, Postu Administrativu Baucau, 28 Agostu 1957, aifuan domin husi Agusto Boavida no Eurazia Boavida.

Nia hahu nia prosesu edukasaun formal primeira no segunda klasse iha eskola Salesianu Baucau no akaba nia estudu terseiru no kuarta klasse Kolejiu Fatumaka iha 1960.

Eskola Pre Sekundaria iha Seminariu Menor Dare no ultimo nia akaba eskola iha ensinu Sekundariu iha Seminariu Maior Dare iha tinan 1970.

Depois remata estudu, João Boavida hahu dedika aan servisu hodi sai servidor iha Baucau apartir iha  tinan 1975-1979. Altura nee tempu kruzial tebes tanba iha okupasaun Indonesia nian. Nia hetan kaptura husi militar Indonesia no ba dadur hamutuk ho nia maluk balun  husi Baucau iha Atauro husi tinan 1979-1980.

Sai husi Atauro, João la livre. Nia dadur hamutuk ho nanggala sira besik fulan haat iha Dili. Depois ida nee, nanggala sira lori nia ba iha Baucau hodi kontinua mos dadur kuaze fulan nen nia laran. Nia parte halai ses husi nanggalasira no fila mai Dili hodi buka servisu sustenta nia vida loron-loron nian.

Kona ba ninia dedikasaun ka envolvimentu iha prosesu libertasaun nasional, Joã dehan nia knar hanesan ema kladestina ida no nia rasik mak monta rede kladestina   hodi servisu hamutuk ho padre-madre sira hanesan Padre João Dias Kris neebe dadaun nee sei moris hamutuk ho sira nee maka João halo kladestina hodi hatan ba iha nesesidade Falintil sira iha ai laran.

Tuir nia, bainhira envolve iha prosesu libertasaun Timor-Leste nian maka nudar joven animadu duni hare prosesu dezemvolvimentu politiku neebe maka iha tempu neeba lao hodi afavor ba iha independensia. Nia dehan iha neeba nia mos hakarak Timor-Leste labele sai tan nasaun neebe okupasaun nian laran ho ida nee hakarak ka la kohi nia tenke fo nia kontribuisaun hodi lori Timor-Leste ba ukun rasik aan.

Hau involve ba aktividade ida nee tanba nia maun alin sira iha hotu ai laran neebe nia servisu ho padre sira hodi fo assitensia ba maluk Falintil sira iha ai laran hanesan fo apoi lojistiku no liu husi apoiu informasaun hodi bele konkretiza ita nian hakarak ba indepensia Timor-Leste nian,” tenik João.

Ninia dedikasaun uluk nudar mestre ida no liu husi profisaun ida nee nia eduka estudante sira. Nudar ema edukador iha tinan 1975 iha Baucau, no iha 1977 nia hamutuk ho padre Magalhaes (Matebian) hari eskola SMP iha Baucau. Iha eskola nee nia mos hanorin kona ba Biolojia no Matematika.

Iha tinan 1981, João Boavida kontinua nia estudu iha Jakarta. Maibe  ho esforsu  sira nee nia hakarak  halo auxiliu  politiku  iha  rai liur hodi ba prosesu libertasaun Timor-Leste nian, no esforsu hirak nee nia konsege halai liu ba iha Singapura hodi ba servisu no hela iha neeba kuaza fulan tolu  no ba iha Malaysia fulan neen hodi buka dalan sai ba rai liur hodi halo nia ausiliu politiku, nunee nia ba tan iha Thalandia besik tinan tolu hamutuk ho padre Jejuita sira tau matan ba iha ema refujiadu sira iha neeba maka mai husi Kamboja, Thailandia hetan problema nasaun rua nee,  liu liu sidadaun fronteira rai rua nian.

Ho esforsu sira nee konsege atravesa nasaun sira nee ba halo auxiliu politiku iha ema nia rai no padre Jejuita sira ajuda nia hodi halo nia estudu, no nia konsege kontinua nia estudu iha Universidade Melbourne, Australia. Nia mos hetan bolseiru estudu hodi kontinua estudu iha Universidade Oxford, Inglaterra neebe maka iha fatin halo estudu kuaze tinan haat. Estudu remata, nia servisu profisional iha rai Afrika, Tanzania, Malaysia Malawi.

Iha Mosambique no tantu mos rai seluk seluk iha Afrika do sul. Iha tempu kosulta popular Timor-Leste nian ba faze autodeterminasaun nia parte simu konvite husi Organaizasaun Nasaun Unidus (ONU) atu fila mai halo konsulta popular iha Timor-Leste iha 1999.

Tuir nia konsulta popular hahu halao nee nia moe ema neebe emvolve hotu hodi halao konsulta popular no nia maka fo sai resultadu anunsia konsulta popular nian ho UNAMET, depois UNAMET transfere nia ba iha OCHA nian nudar`politika advasor durante tempu emerjensia.

Depois de ida nee, nia muda nia servisu profisional  hodi ba hamutuk ho UNTAET nia ulun boot Sergio Veirra de Millo (matebian) nudar ofiser politika iha UNTAET, no ikus mai nia rejigna aan servisu hamutuk ho missaun nasaun Unidus nian iha Timor-Leste, razaun  tanba  missaun nasaun unidus nian neebe maka  mai ikus nia hare servisu la profisional hanesan ho UNAMET.

Iha tinan 2002 nia servisu nudar konsultan frebalace iha AUSTCARE, nunee nia moe nudar dosen ida neebe hanorin iha Universidade da Paz kaer material politika dezemvolvimentu.

João nudar ema konsultor ida hodi hamahan an iha NGO CEPAD neebe maka hahu nia estabelesimentu iha 2007 nee nia nudar Direktur Exekutiva ba NGO refere hodi halo kontrolu ba situasaun rill iha Timor-Leste.

Tuir nia objektivu husi NGO CEPAD neebe maka nia lidera atu kontrollu ba sosiadade Timor-Leste nian hodi fo hanoin ba governu liu husi sosiadade nia lian. Nia mos dehan katak, dezafius   neebe  nia hasoru  liu-liu ligadu ba kestaun servisu  nian, politikamente no ensensialmente oinsa maka bele prevene korupsaun no kombate korupsaun, oinsa  maka bele fo konesementu ba publiku sira kona ba kestaun  sira nee, hodi labele  kria kontradisaun  hodi  ba Timor-Leste.

Kona ba ninia prestasaun  neebe maka nia iha, João dehan NGO neebe nia lidera oras nee dadaun atinji duni buat balun neebe diak tebes, tanba konsege resolve buat balun liu husi programa neebe maka halo iha Munisipiu, postu administrative tantu servisu ho governu no hamutuk ho sosiadade.

Nia parte rekomenda ba iha VII Governu Konstitusional maske ho governu minoritariu neebe maka  tenke halo programa hodi bele resolve problema neebe maka nesesidade povu nian neebe maka durantee nee povu infrenta  liu-liu ba infra-estrutura  tenke tau importansia  ba situasaun sira nee atu nunee lori povu no nasaun nee ba futuru diak liu  tan. Natalino Costa

Facebook Comments

Leave a Reply

Your email address will not be published. Required fields are marked *