JICA Koopera Ho ASITA Sei Atrai Turista Mai TL

JICA Koopera Ho ASITA Sei Atrai Turista Mai TL

- in Economics
31
0
monumento_lifau

DILI-JICA hanesan parseiru dezenvolveimntu neebe durante nee suporta governu TL, iha area tolu hanesan, Setor Turismu, diversifika industria no infraestrutura neebe lao iha rai laran.

Tanba JICA konvida asosiasaun tour & travel ajensia husi Indonesia (ASITA) mai TL hodi observa area potensial Turismu nian iha TL, no nunee ASITA fila ba bele promove no konvida turista sira mai vizita TL.

Kestaun nee fo sai husi Reprezentante JICA Nagaishi Masafumi ba STL Kinta (08/11/2018) iha Timor Plaza, hafoin remata seremonia resepsaun boasvidas ba ASITA.

Hau hanoin atu halo diversifikasaun ba area sira nee maka, turismu hanesan area ida neebe importante tebes, tanba nee liu husi kooperasaun ida nee JIKA mos haruka ona ninia peritu ida mai servisu iha Timor, iha Ministeriu Turismu komersiu industria  hodi ajuda hare setor sira neebe maka potensial atu nunee bele halo diversifikasaun inklui setor Turismu tan nee, ita konvida ema mai atu hare fatin turismu sira nee, atu nune sira bele promove tutan ba ema hodi mai Vizita,” informa nia.

Nia mos afirma liu tan katak, TL potensial tebes ba area turismu tan nee konvida ema mai vizita fatin sira nee, atu nunee sira fila ba bele promove netik buat neebe TL iha, tan nee JIKA halo hela koperasaun ho setor Turismu nian iha Bali no ema iha Bali mos hakarak buka fatin Turismu iha fatin seluk tan nee sira hili hodi mai TL.

Iha fatin hanesan Sekretaris Asosiasaun Indonesia Turismu Travel Ajensia  Ketut Arnada hatutan, durante nee Tursita barak maim aka iha Bali deit tanba nee sira hakarak buka fatin seluk atu nunee labele membosankan turista sira, tan nee liu husi kooperasaun ida ASITA hakatak mai TL hodi hare hare direta fatin sira neebe maka potensial atu nunee bele dada turista sira mai vizita too TL.

Partisipa iha seremonia resepsaun nee, Embaxador Japaun iha TL, Hirosi Minami, Sekretaris Asosiasaun Indonesia Turismu Travel Ajensia  Ketut Arnada, Embaxador Indonesia iha TL, no mos ajensia internasiona balun neebe hola parte iha atividade nee, unklui emprejariu nasional no Internasional sira, no tuir ajenda neebe iha ajensia sira nee halo ona vizita  ba fatin Turismu sira  hanesan, Maubara, Maubesi, Kristu Rei no sira seluk. Atu Hatene Klean Konaba Notisia Nee Lee Kompletu Iha Jornal STL, edisaun Tersa (13/11/2018). Madalena Horta

Facebook Comments

Leave a Reply

Your email address will not be published. Required fields are marked *