JICA & Donkami Harii Uma Lixu

JICA & Donkami Harii Uma Lixu

- in Economics
3306
0
Rumah Guru

Viqueque-Jica no Kompania Donkami harii Uma Lixu iha Viqueque ho objetivu atu halibur lixu sira neebe lekar namkari. Sira hakarak valoriza fali lixu sira nee, hodi halo fali resiklazem. Relasiona nee, Administrador Munisipiu Viqueque, Gregorio Henrique hateten, sira sei fo hanoin nafatin ba  komunidade atu soe lixu iha Uma Lixu neebe halo dadaun nee.

Lixu sira neebe halibur iha Uma Lixu, sei prosesa. Balu neebe labele uza ona, sei sunu, no balu neebe sei iha valor bele faan fila fali,” hateten Gregorio Henrique iha Edifisiu Administrasaun Munisipiu Viqueque, Kinta (6/7/2017.

Lixu neebe sei halibur nn tau iha Uma Lixu maka hanesan masa, aqua mamuk, bebidas latas, no kalen latarias  sira. Lixu hirak nee sei rekolha hamutuk depois tau iha Uma Lixu. Depois haree neebe labele uza ona, sei sunu, balu neebe sei bele uza, sei hodi tetu faan fali ba kompradores sira iha Dili.

Tinan ida ona, sira halo sosializasaun hamutuk ho SAS Viqueque ba komunidade. Ninia rezultadu positivus. Agora nee komunidade la soe foer arbiru ona. Liu husi programa ida nee, nia espera, Viqueque Vila sei sai mos no furak. Bele sai ezemplu ba munisipio sira seluk.

Programa harii Uma Lixu nee realiza iha tinan 2016. I sira mos halo ona sosializasaun ba komunidade hot-hotu iha area Munisipio Viqueque. Ninia rezultadu positivus. Komunidade iha ona komprensaun no kompriende konaba problema lixu. Lixu balu sei iha valor bele utiliza fali. Bele halo fila fali resiklazem, kuandu faan bele hetan osan.

Iha area Mersida neebe besik ho merkadu, agora iha ona kontrolu diak ba lixu. “Tamba nee ami agradese ba JICA neebe harii ona Uma Lixu,” nia dehan.

Mena (joven iha area Mersida) hateten Uma Lixu nudar meus diak ida ba komundade para labele soe foer/lixu arbiru. Maibe tenki tau hamutuk iha fatin ida. Importante liu, katak Joao Guterres, komunidade iha tenki konsiente soe foer. Labele soe arbiru. EST-2

Facebook Comments

Leave a Reply

Your email address will not be published. Required fields are marked *