Jesus Moris Iha Bibi Luhan, Signifikasaun Ba Ita Ema Boot

Jesus Moris Iha Bibi Luhan, Signifikasaun Ba Ita Ema Boot

- in Metro
13152
0
Sao Jose

DILI-Bibi luhan sai moris fatin ba kosok oan Jesus Cristo. Signifikasaun ba ita ema boot. Hatudu katak, “domin no hadomi malu, no paz” sempre mai husi situasaun simplis. Ema kiak no mukit sempre hatudu domin no hadomi ba malu, duke ema riku sira.

Nunee omilia Pe. Paroquia Maria Auxiladora Komoro, Pe. Elias Maia de Deus, SDB bainhira diriji misa natal, Domingu (24/12/2017) kalan. Misa kalan natal nee hahu tuku 09:30 OTL, sarani rihun atus partisipa iha misa nee. Sarani sira hatudu antusiasmu makaas hodi tuir misa kalan natal nee too remata.

Prosesu misa kalan natal lao diak, membru seguransa husi PNTL no membru F-FDTL balu nomos seguransa eskuteriu sira halo seguransa kapas.

Pe. Elias Maia de Deus, SDB hatete, hanesan sarani sira hatene ona, Jesus Cristo nee maromak oan maibe Nia moris iha fatin neebe kiak tebes. Simplis tebes. Momentu neeba, fatin hot-hotu nakonu, fatin laiha ba Maria atu tuur ahi. Konserteza, tanba kestaun laiha ona fatin diak ba sira, Jesus moris iha bibi luhan.

Kompara ho ita ema, kuandu inan ida atu tuur ahi, presiza fatin diak, fatin kapas, tenki partus iha hospital, maibe ba Jesus fatin laiha. Satan mundu modernu agora, ema moris iha fatin mesak furak mariba maromak moris iha fatin foer. Nee deferente ho ita ema.

Signifikasaun Jesus moris iha bibi luhan ba ita ema boot. Hatudu katak, ita ema moris iha mundu, tenki haklaken domin no paz ba malu. Maske mosu grupus bar-barak, organizasoens, politika grupu, rasa, maibe hot-hotu fo neon ho laran ida deit hodi simu maksoin ida neebe  haklaken domin no hadomi, no paz ba mundu tomak” hatete Pe. Elias Maia de Deus, SDB.

Nain kosok oan neebe mai iha ita nia let husu ita hotu atu halo diak bebeik no badinas diak hodi halo diak ba ita nia maun alin sira, halo diak neneik maibe bebeik halo diak utuan-utuan ba oin nafatin.

depois misa nee atu remata Pe.Elias mos hatoo Felix Natal ba sarani hotu-hotu no basa liman ba nain jesus kristu. nunee mos hatoo apresia no agrdese parabens felix natal ba sarani sira liliu ba joven sira halo limpeza ajuda hadia fatin nee nomos ba akolitus, koru, no seguransa Pntl, F-Fdtl, eskuteiru sira neebe fo asegura seguransa  ba sarani sira, nomos apreisa no parabens felix natal ba jornalista sira ho nia familia sira hotu mak halo ona kobertura iha misa kalan ida nee.

Iha fatin hanesan Madre filhas de Maria Auxiladora, Me, Armenia Menezes hatoo boas festa do santo natal ba ita hotu no boanoite ba sarani sira liliu ba foin sae no labarik sira hein katak natal jesus nia presenja ida nee jesus mai lori esperansa no dame liliu iha ita nia fuan no hakiak nafatin esperitu natal jesus nia mai ida nee iha imi nia fuan no imi nia familia nomos iha sosiedade.

Nunee mos sarani Vergilio freitas hatoo boas festa santo natal ba maluk sarani sira hotu nomos ba familia boot povu timor leste hodi simu ita nia kosok oan jesus kristu hanesan aman no maun neebe mai atu hodi salva no kasu ita ema nia sala.

Neebe ita reza makas atu nunee hodi bele atu tama ba fulan foun no tinan foun 2018 para bele ita nia nain ulun sira hamutuk atu hodi kaer nasaun nee atu tau matan ba ita povu sira hodi hare povu nia moris neebe agora iha hela moris kiak no terus nia laran. Est-3

Facebook Comments

Leave a Reply

Your email address will not be published. Required fields are marked *