Jerasaun Foun Tenki Foti Esperitu Falintil Sira Nian

Jerasaun Foun Tenki Foti Esperitu Falintil Sira Nian

- in Politics
147
0
JTP

DILI-Eis Sekertariu Estadu Defesa Julio Tomas Pinto hateten, Iha komemorasaun loron 20 de Agostu, membru F-FDTL jerasaun foun presiza foti, Falintil sira nian hodi sai hanesan baze ba dezemvolvimentu forsa sira nian.

Hau hanoin importante liu maka komemorasaun loron 20 de Agostu, loron nee membru F-FDTL jerasaun foun foti esperitu Falintil sira nian, hodi sai hanesan baze ba dezemvolvimentu forsa armadas sira nian,” dehan JTP ba STL, iha PN, Dili, Kinta ( 10/08/2017).

Nia dehan, Ema hotu hatene uluk kedan Falintil nee, esperitu nee maka besik liu ba povu no halo defesa ba povu tomak, entaun esperitu ida nee maka tenki iha Falintil F-FDTL nia laran. Depois sira neebe maka servisu iha F-FDTL aproveita, lideransa Falintil sira neebe ke sei iha F-FDTL sira nia esperitu nasionalismu, patriotismu para sira kaer metin.

Eis Sekertariu Defesa nee haktuir tan katak, Dejafius iha neeba maka tenki haforsa liu tan komandu forsa armadas, par abele reforsa sira, kapasita forsa sira neebe sai mehi ba povu tomak.

Iha fatin hanesan membru Komisaun B (PN), neebe trata asuntu defesa seguransa deputadu Jacinto Viegas hateten, Forsa F-FDTL maka sai hanesan lutu ba nasaun no povu, tanba nee sira presiza desiplina liu tan, atu nunee povu labele kestiona bebeik sira nia servisu, dehan Jacinto. Carme Ximenes

Facebook Comments

Leave a Reply

Your email address will not be published. Required fields are marked *