Jardin 5 de Maio Foer Nakonu

Jardin 5 de Maio Foer Nakonu

- in Metro
56
0
Foer

DILI-Jardin 5 de Maio hanesan jardin neebe iha sentru Kapital Dili nuudar Kapital Nasaun Timor-Leste, maibe ninia kondisaun sempre nakonu ho foer. Tanba nee lafo ambiente neebe buras no saudavel.

Tuir Joao Guterres nuudar estudante, nia sente lakontente ho foer neebe naklekar iha Jardin 5 de Maio Colmera hodi halo ambiente jardin lafurak.

Hau hanesan estudante sente laseguru bainhira mai konsentra iha jardin nee atu halo servisu ruma kna-ba eskola nia. Tanba ho foer neebe naklekar arbiru kria situasaun neebe lasaudavel ba ita nia saude,”katak Joao ba STL iha Jardin 5 de Maio, Kuarta (18/10/2017).

Tuir Joao katak, iha jardin nee parte saneamentu dadersan sempre halo limpeza, maibe ho udan neebe tau-rai dadaun hamosu foer nakonu iha jardin laran liului baleta kuak, ho ida nee fo impaktu mai ita nia saude, no mos bele hamosu susuk.

Iha fatin hanesan, Alberto de Jesus hanesan estudante UNTL, nia lamenta tebes ho foer hirak nee, tanba ho udan neebe tau dadaun halo Jardin 5 de Maio lafurak, nakonu deit ho foer.

Tanba nee, husu ba maluk vizitante sira bainhira halimar iha Jardin 5 de Maio tenke konsidera mos fatin nee labele soe foer arbiru. Tenke hadomi jardin atu nunee bele sai furak liu tan.Estajiadu 1

Facebook Comments

Leave a Reply

Your email address will not be published. Required fields are marked *