Japaun Apoiu Konstrusaun Aeroportu Comoro

Japaun Apoiu Konstrusaun Aeroportu Comoro

- in International, Nasional
89
0
image002

Editor Godinho Barros

DILI— Governu Japaun nafatin iha komitmentu atu  fo apoiu Timor Leste halo konstrusaun ba Aeroportu Internasional Prezidente Nicolau Lobato Comoro, maske limite orsamentu.

Tuir Vise Ministru  Negosius Estranjeirus Japaun,  Nakayama Norihiro, konstrusaun Aeroportu Dili sei hetan finansiamentu husi governu Japaun ho montante 44 miloens Japaun.

Sorumutu neebe hau halao ho PM Taur Matan Ruak no PR Francisco Guterres Lu Olo temi mos kona-ba konstrusaun Aeroportu Dili neebe hetan finansiamentu husi governu Japaun ho montante 44 miloens, dehan Nakayama Norihiro ba Jornalista hafoin hasoru malu ho PR  iha Palasiu Prezidente Bairru Pite, Dili, Kuarta (15/01/2020).

Nia hatutan enkontru halao ho prezidente Republika, Francisco Guterres Lu Olo hodi koalia mos konaba obra sira neebe governu Japaun halo iha Timor Leste.

Hau  mai ita Timor Leste iha Tersa  (4/01/2020), tanba nee   halao enkontru ho Prezidente Republika hodi koalia konaba obra sira neebe governu Japaun halo iha Timor Leste, dehan Vise Ministru Negosiu Estranjeirus Japaun  nee.

Depois enkontru PR Nakayama ba partisipa  serimonia inagurasaun Portu Dili no espera portu nee sei fasilita movimentu pasajeiru sira husi fatin ida ba fatin seluk liu liu bele ajuda kresimentu ekonomia  TL iha futuru.

Nakayama mos partisipa  iha serimonia inagurasaun  Edifisiu Fakuldade Enjeneria UNTL Hera no espera Fakuldade  enjeneria nee   sei kontribui  Dezenvolvimentu siensia iha Timor Leste.

Obrigadu barak ba ita boot sira bele simu hau no hau hakarak kongratula inagurasaun edifisiu fakuldade enjanaria UNTL iha Hera, tenik Nakayama.

Governu Japaun katak Nakayama sei apoiu konstrusaun aeroportu Nicolau Lobato, maibe iha limitasaun orsamentu. Governu Japaun konkorda deit apoiu deit orsamentu  44 miloens.

Iha enkontru nee katak Nakayama, Prezidente Republika Francisco Guterres Lu Olo, fo apresiasaun ba Vise Ministru Negosios Estranjeirus Japaun,  Nakayama Norihiro nia servisu iha Timor Leste.

Ministru Transporte no Komunikasaun, Agostinho da Silva antes nee dehan  governu Japaun seidauk aprova  orsamentu konstrusaun Aeroportu Comoro. Emerenciana Pinto

 

Komentariu

Facebook Comments

Leave a Reply

Your email address will not be published. Required fields are marked *