Istoria Uniku Benteng Ranuhitu

Istoria Uniku Benteng Ranuhitu

- in International
3378
0
Turismu

ATAMBUA-Loke tiha programa “Familiarization Trip 2017” iha Atambua Kota, Kabupaten Belu, NTT, Indonesia, Segunda (16/10/2017), ekipa KBRI Dili ho jornalista Timor Leste halo vizita ba Benteng “Tujuh Lapis” Ranuhitu iha Suku Dirun, Kecamatan Lamaknen, Belu, NTT.

Programa halao komesa dia 16-20 Outobru 2017. Objetivu programa nee hodi hametin ligasaun bilateral entre Timor Leste no Indonesia. Liu husi programa nee, nasaun rua hakarak hametin servisu hamutuk bilateral diak liutan.

Hametin servisu hamutuk entre pais rua, laos deit area politika maibe mos area sira seluk, hanesan kultura no turismu. Distritu/Kabupaten Belu nudar area neebe fronteira direita (raimaran) ho Timor Leste, konsidera programa Familiarization Trip 2017 nee, lori objetivu diak no konstruktivus. Sertamente, laos deit liu husi programa ida nee maibe mos bele liu husi programa sira seluk.

Remata husi abertura programa Familiarization Trip  2017, ekipa husi KBRI Dili konvida jornalista Timor-Leste neebe partisipa iha programa refere, inklui jornalista STL Guilhermina Franco halo vizita ba fatin turismu sira iha area Kabupaten Belu.

Abertura tiha programa Familiarization Trip 2017 iha Atambua, ekipa KBRI ho jornalista Timor Leste aranka husi Atambua Kota hakat ba area Kecamatan (Postu Administrativus) Lamaknen, Kabupaten Belu, Tersa (17/10/2017).

Sira ba vizita Benteng Ranuhitu iha Bukit/Foho Makes, Suku Dirun. Benteng nee konesidu tebes tanba uluk, forsa kolonia Olanda dezenvolve Tujuh Lapis (nivel hitu). Tanba nee konesidu ema bolu dehan, Benteng Tujuh Lapis. Too agora ninia idade tinan 100, 200 resin.

Benteng nee tropas Olanda dezenvolve hodi halo funu hasoru militar Portugues neebe uluk hadau malu rikusoin iha rai Timor. Ikus mai kolinial rua nee fahe duni rai Timor.

Benteng Ranuhitu too agora sei stabil. Governu lokal Distritu Belu seidauk tau atensaun didiak no uza nudar fatin turismu. Area benteng furak tebes, harii iha foho leten.

Benteng Ranuhitu lokaliza iha Bukit Makes, Suku Dirun, Postu Administrativu Lamaknen. Husi Atambua Kota ba too benteng nee, ninia disktansia kilometru 42.

Iha vizita nee jornalista sira haree diretamente fatin Benteng Ranuhitu ou Benteng Lapis Tujuh  nee, iha Lapisan 7 duni, tanba  fatin nee molok tama too psat kerajaan sei buka dalan liu husi lapis 1 too laipis 7,  fatin nee ba funu (Berperang) hasoru musuh sira iha  tempu neeba, no fatin nee antes atu tama ba too nia pusat, sei tama husi odamatan Lapis 1, nunee depois ba Lapis 2, sei kontinua buka nafatin  too Lapis 7, mak bele too fatin kerajaan nian.

Fatin nee avo beiala sira hada fatuk nee aas, tanba hodi taka dalan ba musuh, sira iha momentu neeba, tanba nee susar ba musuh tama too fatin kerajaan.

Antes tama ba fatin kerajaan nee sei liu husi odamatan Lapis 1 too 7, too ba fatin kerajaan mak pusat neebe hada fatuk halo kabuar, I too agora dadaun fatin nee husik hela husi avo beila sira, maibe seidauk hetan atensaun husi goevrnu Indonesia.

Fatin Benteng Ranuhitu nee bainhira vizitantes husi nasaun seluk mai sempre ba halao vizita, tanba fatin nee furak no loro matan sempre hamahon nia aan ba fatin nee hodi foo anin neebe fresku.

Matadalan turístiku Atambua, Paulus Nusandri informa katak, fatin nee husik hela husi avo beiala sira tinan atus resin. Fatin Benteng Ranuhitu nee, uluk halo husi avo sira hada fatuk foti aas, maibe agora nee tanba mudansa klimatika halo fatuk nee monu oituan-oituan too badak tiha.

Fatin nee nakonu ho ai-mahon no ai-hun mesak bot-bot, nunee mos kuburan raja avo sira.

Fatin nee rasik atrai vizitantes barak mak ba halao vizita, mezmu lao dook no Estrada balu seidauk diak. Nunee mos Vizitantes Bandung Paulus banhira halao vizita ba fatin nee hatete, hareee ba Benteng Ranuhitu nee rona deit naran gosta tebes  hakarak ba haree, tanba nee sira halo vizita hodi diretamente, fatin nee furak los, menarik vizitantes, fiar katak governu  Indonesia ba oin bele tau atensaun fatin istoria hanesan nee.*

Facebook Comments

Leave a Reply

Your email address will not be published. Required fields are marked *