Ispa Domina Iha Klinika Bairo Pite

Ispa Domina Iha Klinika Bairo Pite

- in Metro
168
0
hospitalnacionalguidovaladaresdoben-615x347

DILI-Sentru Saude iha sidade Dili laran oras nee dadaun maioria domina ho moras ISPA tanba sidade Dili domina deit ho rai rahun iha fatin-fatin neebe mai husi konstruksaun infrastutura neebe mak lao namanas.

Hanesan mos iha Klinika Bairo Pite moras neebe domina liu mak ISPA. Tuir Director Klinika Bairro Pite, Daniel Murphy hateten, kada loron Klinika Bairo Pite pasiente neebe moras ISPA menus liu 100 too 200.

Ita nia klima muda aan lalais liu hanesan udan monu rai tiha, derepenti bai loron naruk fali,entaun halo rai rahun barak neebe halo ema nia imunidade tun no fasil atu hetan moras ISPA. Promlema ida tan mak Dili oras nee dadaun konstruksaun lao namanas neebe rai rahun makas tebes,” hateten Daniel ba STL iha nia knar fatin Tersa (16/05/2017).

Laos nee deit Daniel hatutan moras ISPA mai mos husi familia neebe mak tein uza ai neebe provoka suar makas.

Atu prevene moras ida nee husu ba ita nia komunidade sita tenke uza ekipamentus protesaun hanesan masker bainhira lao iha estraga neebe rai rahun barak, dasa rai inklui ita hamos uma laran,” hateten Daniel.

Iha fatin fatin ketak Dulce Pinto Tilman nudar Xefi Sentru Saude Vera Cruz mos esplika, moras ISPA la persiza hemu ai-moruk, maibe nemu bee barak, deskansa han aifuan, modo tahan barak no consume vitamina.

“Moras ISPA laos moras neebe pregozu, tanba moras nee sente hanesan bai-bain, tanba nee tenke halo prevensaun hanesan uza masker depois hemu bee barak no hemu vitamina, atu nunee moras nee labele kona ita,” dehan Dulce. Jeniche da Costa

Facebook Comments

Leave a Reply

Your email address will not be published. Required fields are marked *