Involve Feto Iha Emprezaria

Involve Feto Iha Emprezaria

- in Economics
200
0
download (36)

DILI-Durante nee, feto sira hahu Involve aan iha vida emprezaria, para lori prosesu dezenvolvimentu ba oin.

Tuir Reitor IOB, Augusto Da Conceição,hatete, feto nian partisipasaun ba prosesu dezenvolvimentu hahu lao dadaun ona, maske too agora seidauk maximuw,espera katak, ba oin sei sai diak liu tan,oinsa feto ho mane bele apoiu ba malu iha area ida, tanba prezensa feto sira nian ba area nee importante tebes.

Hau hanoin partisipasaun feto sira nian ba prosesu dezenvilvimentu lao diak tebes, tanba ita haree husi PN,nee partisipasaun feto nian diak tebes,tanba ita nian gubernur fo ona atensaun ba ida nee, tanba ita foin dadaun haree katak, ita nian mana dadi mak sai eleitu ba CNJTL, nee hatudu katak, feto nian partisipasaun importante tebes,iha nasaun ida nee, ema dehan feto forti nasaun mos forti, dehan Reitor IOB Augosto Soares ba jornalista iha nia knar fatin Fomentu Dili Tersa (21/01/2020).

Nia dehan,realidade hatudu katak, presiza tebes feto nian partisipasaun ba prosesu dezenvolvimentu nasional, atu nunee bele fo apoiu ba lider sira, liu -liu iha parte ekonomia ninia.

Ita bele haree deit ba empreza nasional sira, neebe ho lider feto sira mak barak, depois haree iha organizasaun feto sira sempre tur hamutuk, para dezolve no lori nasaun nee ba diak iha futuru oin mai,hau bele dehan, iha IOB rasik kuaze sesenta pursentu,mai husi feto sira, tanba nee, papel feto sira nian importante,oinsa sira mos bele investe iha area edukasaun,maibe fakuldade ekonomia iha IOB, Noventa Sincu, nee feto deit, nia dehan

Nunee mos, Joana Nunes Freitas Amaral, hanesan finalista iha IOB, fakuldade ekonomi, dehan, feto tenke esforsu aan, para bele partisipa iha dezenvilvimentu, no area seluk,neebe feto sira hakarak Involve aan, hodi apoiu mane sira,para bele ajuda malu,feto deit labele, maibe presiza apoiu husi mane sira.

Ita hein katak, ita nian maluk feto sira, sei Involve aan ba Atividades hotu, para bele lori prosesu dezenvolvimentu ba futuru, dehan nia

Iha fatin seluk, Maria da Costa Barreto, hanesan kliente IADE, dehan, maske feto sira la kaer projetu boot, maibe sira hahu partisipa ona iha vida emprezaria, no sira hahu partisipa iha formasaun, neebe mak fo husi IADE.

“Ita espera katak, ba oin ita nian feto barak sai emprezaria boot, hodi bele halao servisu hamutuk ho mane sira, oinsa bele fo apoiu neebe mak diak ba setor ida nee,”tenik nia.* Madalena Horta/Jacinta Siquera

 

Komentariu

Facebook Comments

Leave a Reply

Your email address will not be published. Required fields are marked *