Investimentu Iha TL Presiza Finanseiru

Investimentu Iha TL Presiza Finanseiru

- in Economics
14
0
logoqstll

DILI- Atu halo investimentu iha rai laran la fasil, tanba nee tenke iha finanseiru neebe adekuadu hodi investe, atu nunee bele fo benefisiu ba joven sira liu husi kria kampu servisu.

“Hau hanoin atu halo invstimentu iha rai laran nee la fasil, maibe setor privadu tenke iha ona lukru ruma husi rai laran, maka foin halo investimentu, tan nee husu ba governu atu iha hanoin ida oinsa atu tau osan boot iha banku ho nunee, fasilita kreditu ba setor privadu sira, tamba too agora seitor privadu sira seidauk asesu ba kreditu,”dehan Prezidente Camara Comersiu Industria  Timor Leste (CCI-TL) Oscar Lima ba STL iha nia knaar fatin Akait Dili.

Nia mos afirma liu tan karak, iha mandatu setimu governu nian, sira halo ona lei ida atu fo kreditu ba grupu kiik sira nee, hanesan agtikultura, turismu nomos negosiu kiik iha rai laran, maibe nee seidauk too ba setor privadu sira, sebele loke luan tan atu nunee bele fasilita setor privadu sira neebe hakarak kredit osan boot ba invste iha rai laran, tanba problema neebe setor privadu sira hasoru agora nee maka, susar atu asesu ba kreditu.

“Hau hanoin governubain fasilita kreditu boot ba setor privadu maka, investimentu iha rai laran sei barak liu tan, no bele fo servisu ba joven sira neebe maka sei dezempregu, maibe osan laiha maka susar tebes setor privadu atu halo invstimentu iha rai laean,”dehan nia.

Tuir Prezidente nee katak, governu tau duni ona osan iha banku nasional Timor Leste BNCTL, maibe osan uituan deit no nia jurus maka boot tebes, tanba nee husu ba governu liu husi orsamentu tinan 2019 nian atu tau osan boot iha banku hodi fasilita kreditu ba setor privadu hodi fasilita kreditu ba setor privadu hodi halo investimentu, tanba osan neebe governu tau iha BNCTL nee $ 5 milioens de dolar neetebe osan kiik tebes, karik bele governu tau osan ho valor boot iha banku atu nunee setor privadu bele asesu, no hatun mos ninia jurus.

Iha parte seluk Reprezentante povu iha uma fukun Parlamentu Nasional, Deputadu Antonio da Concesao hatutan, problema neebe maka setor privadu rai laran sira hasoru hela durante nee maka, susar atu asesu ba kreditu. Maske governu tau tiha ona osan iha banku atu fasilita setor privadu sira, maibr too agora seidauk hatene ninia prosesu nee lao ona ka seidauk.

“Ita hakarak investimentu boot neebe lao iha rai laran, Timor oan sira tenke hola parte iha laran maibe sira mos presiza tebes finanseiru, maske governu tau ona osan iha banku maibe osan u$ 5 millioens deir nee la sufisiente atu setor privadu sira asesu ba kreditu, tanba nee ita hein katak, liu huisi orsamentu 2010 nian governu bele aumenta tan osan hodi fasita setor privadu sira hodi loke investimentu iha rai laran,”dehan Deputadu nee.

Nia mos afirma liu tan katak, investe iha setor kiik sira nee setor privadu sira barak maka hola parte, maibe investe iha setor boot sira nee hodi fo servisu ba j oven sira nee, maka iha TL setor privadu Timor oan seidauk hola parte masimu tanba problema finanseiru.

Nunee mos Vise Prezidente Parlamentu Nasioanal, Luis Roberto hatutan,  problema neebe setor privadu sira hasoru durante nee, Deputadu sira iha uma fukun nee koalia bebeik ona, maibe  too agora seidauk iha solusaun, tan nee fiar katak liu husi orsamentu 2020 nian nee governu bele tau osan boot iha banku hodu fasilita setor privadu sira hodi asesu ba kreditu, atu nunee sira bele hola parte iha prosesu dezenvolvimentu rai laran.*Madalena Horta

Komentariu

Facebook Comments

Leave a Reply

Your email address will not be published. Required fields are marked *