Inundasaun Mosu, Laos Sala Kompania

 Inundasaun Mosu, Laos Sala Kompania

- in Metro
200
0
timthumb

DILI – Inundasaun neebe dalaruma akontese iha Kapital Dili, laos sala kompania sira. Tanba ida nee, fila fali ba governu ho ADN maka presiza halo estudu diak nunee bele prevene problema inundasaun.

Kestaun nee hatoo husi Prezidente Camara de Comercio Industria Timor-Leste (CCI-TL) Oscar Lima ba Jornalista, Kinta (28/3/2019) iha nia knaar fatin CCI-TL Akait.

Tuir Oscar, inundasaun neebe foin dadaun akontese iha Kapital Dili laos tanba probelma projetu drainajen. Maibe koalia kona-ba drainajen iha Dili udan tau hamosu inundasaun, primeiru haree katak tinan ida nee udan been tuun makas tebes. Ida nee maka labele fo kulpa ba malu, tanba situasaun natures husi leten mak hatun mai. Nee maka governu presiza haree no tetu didiak hafoin foti kestaun.

Ita atu koalia deit katak kompania sira mak sala deit mos, hau ladun konkorda. Tanba problema kompania halo servisu tuir pakote neebe sira simu husi governu. Se sira simu halo valeta oinsa dezenu no BOQ oinsa husi governu fo depois emprezariu sira halo tuir buat neebe sira simu. Nee duni, ba hau laos dehan katak laiha estudu, maibe tenke iha konsultan diak nunee bele halo estudu ida diak liu. Para oinsa buka solusaun atu prevene problema sira nee,” katak Oscar.

Nia dehan, emprezariu rasik buka atu halo diak liu, maibe nia sujere tenke halo levantamentu dadus kompletu foti no haree i sura. Tanba bee agora makas, haree ba bee iha foho tun mai makas entaun tenke iha konsultan diak ida atu foti hodi rezolve problema.

Ita kontente ho Sekretariu Estadu Ambiente halo ona lansamentu ba zero plastiku nee bele ajuda. Haree ba ita ema mos uza sasan ladun hatene, soe plastiku, lata mamuk no foer sira seluk soe tama ba valeta halo intupidu bee lahalai, mak sae fali mai estrada bee buka dalan komforme nia hakarak deit,” tenik Oscar.

Tuir nia, zero plastiku nee inisiativa diak nuudar Timor oan tenke apoiu liuliu ba sidadaun sira neebe hela iha Dili. Tenke hatene oinsa soe foer iha fatin, se foer laprevene, naran soe tama hotu valeta kuak nee hakarak ka lakohi inundasaun tenke akontese. Tanba valeta labele ona akomoda bee. Neebe governu liu husi Ministeriu Obras Publiku ho AND tenke buka oinsa atu estudu ida diak hodi rezolve problema nee.

Nunee mos Deputadu husi Bankada Fretilin, Silvino Morais hatete, iha fulan ida nee nia laran akontese inundasaun, tanba udan mai makas bee tun mai ita atu trava halo nusa. Maibe, tuir nia haree uluk Sidade Dili ema oituan uma mos ladun barak, drainajen ho estrada sira nee governu portugues halo diak. Maibe agora nee ema barak uma halo arbiru laiha lisensa atu ema halo uma. Tan nee, taka hotu drainajen, governu mos laiha planu integradu atu haree katak sidade uma barak maibe bee atu halai sai husi neebe.

Karik iha planu integradu Dili laran labele hanesan nee, maibe tanba laiha planu integradu mak agora ema ida-idak halo arbiru. Nunee komunidade sira mos hanesan balu governu muda sira husi fatin ida sira sai ba hela fali fatin ida. Lamuda ba munisipiu, programa governu mos laiha atu muda ona komunidade sira fila ba ida-idak nia munisipiu tanba nee mak ohin loron Dili laran sempre akontese inundasaun. Guilhermina Franco / Madalena Horta

Komentariu

Facebook Comments

Leave a Reply

Your email address will not be published. Required fields are marked *