Interpol Tau Emilia Prizaun Portugal

Interpol Tau Emilia Prizaun Portugal

- in Politics
340
0
emilia-pires-615x412

DILI- Kooperasaun entre Judisiariu Portugal ka interpol hanesan parte ida atu bele haree ba arguida Emilia Pires nia kazu, nunee bele hatama nia iha Prizaun Portugal, tanba dupla sidadaun.

Emilia Pires ba tiha Portugal, ita iha kooperasaun ho judisiariu.  Sekuandu kooperasaun judisiariu nee mak funsiona, husik ribunal Timor liu husi Negosiu Estranjeiru no Ministru da Justisa informa ba polisia iha Portugal, liu husi governu iha Portugal hodi kaer Emilia tau iha prizaun Portugal. Lapresija lori nia mai iha Timor, tanba Emilia nudar sidadaun Portuguesa,“ hateten Advogado Privadu Manuel Tilman ba Jornalista sira iha nia knar fatin Pantai Kelapa, Tersa, (12/09/2017).

Nia sublinha tan, kuandu Tribunal Rekursu haruka sentensa nee ba Tribunal, depois Tribunal neebe Emilia Pires hela ba haruka surat ida ba Tribunal de Coimbra bele informa Polisia, no polisia ba kaer hodi detein iha sela Portugal.

Atu kumpri sentensa ida neebe foti iha Timor, se nia laos sidadaun Portugesa, polisia sira kaer iha neeba haruka mai iha nee no bolu Rei Padriamentu, maibe nia sidadaun Portuguesa hela la lori mai Timor, maibe tenke kumpri sentensa iha neeba.

Tribunal ohin loron nee tenke funsiona ho lei, nee signifika katak Tribunal Rekursu konfirma sentensa neebe Tribunal Distrital Dili foti katak, tinan 7 ba Emilia Pires, tinan 4 ba Madalena Hanjam.

Tilman relata tan, tinan 4 nee la iha suspensaun, tinan tolu karik nee iha suspensaun. Nee signifika katak Tribunal Rekursu mak tenke konfirma sentensa ida neebe Tribunal Distrital Dili foti ona nee, Madalena Hanjam tenke ba kompri pelu menus tinan rua kadeia suspende laiha.

Arguida Emilia Pires uza advogadu 4, husi Estranjeiru nia bele buka fali dalan seluk hodi la kumpri fali pena iha Timor nee susar ituan, tanba krime neebe nia komete nee krime korupsaun. Konaba rekursu sei lao hela Madalena Hanjam la tama Prizaun, nia iha liur hela maibe hein desizaun husi Tribunal Rekursu.

Sira nain rua la iha Prizaun Preventiva, karik tama prizaun preventiva nee kontinua ona. Maibe tanba la iha Prizaun preventive, internu de Indentidade rezidensia nia iha hela liur maibe, nia la bele sai ba rai liur no rekursu nee la iha prazu, nee depende ba funsionamentu Tribunal Rekursu nian.

Iha fatin seluk, Direktor JSMP Luis De Oliveira Sampaio hateten, eis membru governu balu tama ona kadeia, maibe agora dadaun eis ministra finansa nia kazu neebe lao hela seidauk iha rezultadu lolos.  Maibe labele ansi ba rejultadu tanba kazu nee, ligasaun ho destinu sistema judisiariu nian.

Ita labele ansi, tanba kazu nee iha ligasaun ho kestaun kapasidade tribunal nian, integridade tribunal nian atu bele halo avaliasaun neebe diak antes halo desizaun. Tanba iha ligasaun ho destinhu sistema judisiariu nian, tanba iha kazu nee rasik iha lamentasoins iha akuzasaun alegasaun barak katak, ita nia tribunal sira la iha kapasidade atu julga,” esplika luis.

Sampaio relata tan, Emilia pires nia kazu iha tribunal rekursu, no fiar tribunal atu haree ba kazu ida nee. Tanba ema hotu hatene  kazu nee importante ba povu atu hatene justisa lolos, maibe haree mos ba iha kapasidade  rekursu humanus nian.  No tribunal rekursu iha juiz tolu deit, agora prosesu konaba inspesaun ka prosesu avaliasaun ba majislatura lao hela, maibe fiar ho prezidente tribunal agora sei halo esforsu atu bele hetan nia rejultadu.

Alende nee, Mateus Dos Santos FCS UNTL, Juliana Mendonca relata, ema hotu neebe ejiste iha rai ida nee, hotu hotu moris iha lei nia okos. Se deit mak halo sala, ba hatan iha tribunal atu kumpri desijaun neebe fo, labele halai husi sala. Terezinha De Deus

Facebook Comments

Leave a Reply

Your email address will not be published. Required fields are marked *