Inspektora Sei Aprezenta Planu 2018

Inspektora Sei Aprezenta Planu 2018

- in Krime
151
0
TTD1

DILI- Atu halao servisu iha ministeriu publiku ho diak, inspektoria tenke aprezenta planu inspesaun atu halo promosaun ba majistradu neebe iha kapasidade.

Inspector neebe foin toma posse sira tenke masimu fim do anu aprezenta planu inspesaun ba 2018 nian. Tanba prokurador balu seidauk hetan promosaun, seidauk hetan inspesaun ordinaria, no ita mos presija haree ba servisu balu neebe lao la dun diak, presija halo inspesaun  extraordinaria, tanba saida mak servisu nee la lao,” hateten Prokurador Jeral da Republika, Jose Da Costa Ximenes ba Jornalista sira iha salaun PJR, Colmera, Kuarta, (20/09/2017).

Nia sublinha tan, iha prokurador ida iha ofisial justisa nain 3, la konta ho suporta servisu investigasaun kriminal sira. La konta ho KAK nomos psik iha ofisial nain 3. Nusa mak balu halao servisu la dun diak. Nunee inspetoria nia knar atu buka hatene, tanbasa mak sira halao servisu la dun diak.

Sira neebe iha servisu nivel diak, mais balu la diak. Tanba nee presija halo indentifika no presija hadia kapasidade majistradu sira nian. No halo planu ida atu bele indentifika area sira nee, atu bele lori ministeriu publiku ba oin diak liu ta. Ho servisu neebe efetivu em termus de kualidade ba komunidade sira.

Iha fatin hanesan, Inspektora Ministeriu Publiku, Angelinha Saldanha hateten, inspektora nia servisu oinsa halo inspesaun bainhira konselu deside mai loke prosesu disiplinar ou inspesaun ordinaria ka extraordinaria.

Depois mak halo planu  atu halo servisu inspesaun nian, no mos hein desijaun husi konselu atu halo inspesaun ba majistradu sira neebe mak iha tempu ona atu hetan promosaun ba klase tuir mai nee,” hateten Angelinha.

Nia afirma tan, servisu neebe agora dadaun sei halao, halo vizita ba iha Tribunal Distiral sira hanesan, Baucau, Suai no Oecuse. Atu haree servisu majislatura no ofisial justisa sira halao. No remata husi ida nee haree ona planu ba oin. Terezinha De Deus

Facebook Comments

Leave a Reply

Your email address will not be published. Required fields are marked *