Inserteza Politika, Publiku Duvidas, Merkadu Lasaudavel

Inserteza Politika, Publiku Duvidas, Merkadu Lasaudavel

- in Politics
3006
0
rotunda

DILI — Hafoin Programa VII Governu Konstituisional hetan rejeisaun husi mairoia deputadu iha uma fukun Parlamentu Nasional (PN), publiku neebe duvidas ho inserteza politiku, kontribui hamosu merkadu lasaudavel iha rai laran.

Tuir Eis Deputadu Virgilio Hornai husi Partidu Demokratiku, flutuasaun presu sasan nesesidade baziku dadaun lao makaas, inserteza politika neebe hamosu paniku publiku, kontribui estimula merkadu negosiu neebe lasaudavel.

Ami husu ita nia Governu atu kontrola merkadu, garantia demanda normal populasaun nian, no husu  emprezariu sira atu labele aproveita situasaun politika hodi halo espekulasaun iha merkadu, benefisia sira, nee sei kualifika hanesan krime (manipulasaun) iha negosiu,” dehan Virgilio ba STL  liu husi via telefone, Segunda (23/10/2017).

Nia hatutan presu nesesidade baziku neebe komesa sae iha area rural, sai hanesan espekulasaun merkadu, tanba nee  presiza  iha intervensaun husi governu atu normaliza presu,  nunee komunidade nafatin iha kbiit  ba kompras, tanba se lae bele hamosu flutusaun presu neebe inventadu husi negosiante iresponsabel sira.

Iha parte ketak Observador Nasional Martinho da Silva dehan manipulasaun presu akontese iha area rurais husi kios no fornesedor sira, tanba ritmu no atmosfer dezenvolvimentu politika maka la harmonia, nunee mos dezenvolvimentu iha area infraestruturas purexemplu komunidades la asesu ba estrada neebe diak, nunee fo tempu ba loja no kios sira halo manipulasaun ba presu sasan.

Entretantu Maria Alves hanesan Konsumidores hatutan, relasiona ho aprezentasaun programa  governu nian neebe hetan rejeisaun iha Parlamentu Nasional, kompania ou loja nain balu  hahu manipula presu, fos 25 kkilo antes U$ 11 dolar  balun U$ 11:50 sent, agora hahu sae ona ba 12:50 sent, ida nee fo impaktu ba povu kbit laek sira atu sosa.

“Hau hanoin politik lideransa sira nian bele lao iha neeba, maibe kompania sira neebe loke loja iha Dili laran, labele aproveita manipula presu hodi buka lukru boot,”dehan Maria. Carme Ximenes

 

Facebook Comments

Leave a Reply

Your email address will not be published. Required fields are marked *