Inan Barak Hahu Mete Bingo

Inan Barak Hahu Mete Bingo

- in Edukasaun
55
0

DILI-Papel inan nian iha familia importante teb-tebes, maibe realidade neebe mak iha, inan barak komesa mete iha joga karta no bingo.

“Papel inan haree oan sira, hanesan bai-bain ita koalia bebeik ona, tanba hanesan inan ita nian papel nee importante tebes, oinsa atu tau matan ba ita nian oan sira, entaun hakarak ka lakohi, maske ita okupadu ho ita nian servisu, maibe ita nian oan importante, ita tenke haree, maioria inan barak komesa mete iha joga karta bingo, ou tesi lia ho bizinu sira, husik oan sira, no la kontra ona oan sira,”dehan membru fundasaun alola, atual Sekretaria  Ezekutiva Komisaun Nasional  Timor Leste ba UNESCO, Cedelizia dos Santos ba STL  iha edifisiu MEJD Vila-Verde Dili Tersa (23/07/2019).

Nia hatete, papel inan tenke kontrola oan sira, tanba nee, husu ba inan sira, inan tenke tau atensaun ba oan sira, maske okupadu ho servisu uma nian, servisu nian, maibe tenke tau atensaun ba oan sira, tanba papel inan nian iha familia boot tebes.

Iha sorin seluk, Maria de Carvalho, hanesan membru organizasaun feto, hatete, hanesan inan ida, ninia funsaun iha familia nee laos buat ida neebe mak fasil, se karik inan ida mak gosta lao buka tuir joga tama sai uma, nee oinsa mak atu responsabilidade no kontrola oan sira, tanba papel inan nian, oinsa kontrola oan sira atu han meudia, kalan no dader, nee responsabilidade inan nian.

“Hau hanesan inan ida, se hau buka deit mak joga karta no bingo tama sai uma vizinu sira nian, oinsa mak atu bele kontrola diak oan sira, liu-liu oras  neebe oan sira han, deskansa, tanba laen nee dader sai ba servisu, entaun inan mak loron-loron iha uma ho oan sira, tanba agora dadaun inan barak mak gosta mete iha joga sira nee, nee buat ida neebe mak ladun iha ita nian familia uma laran, tanba liu husi buat hirak nee hotu, bele hamosu problema entre fen ho laen iha uma laran,”dehan nia. Jacinta Sequeira

Komentariu

Facebook Comments

Leave a Reply

Your email address will not be published. Required fields are marked *