In Memoriam, Mgr. Monteiro

In Memoriam, Mgr. Monteiro

- in Perfil
18361
1
amo-monteiro

Dia 16 de Jeneiru 2014, eis Pe. Paroquia Becora Dili, Mgr. Jose Alvaro Nolasco Santimano Menezes e Monteiro halo tinan 91(16 de Janeiro 1923-16 de Janeiro 2014). Nia missionariu husi Goa, India, nebee maka sei moris. Tan nee, espesialmente, igreja halo ninia aniversario.

Oinsa istoria Mgr. Monteiro bele hakat mai to’o Timor (agora Timor Leste). Tuir mai, ita lee ninia istroia. Nudar ema kriatura, kada ema iha ninia mehi ba futuru. Tantu mehi oioin i kada ema ninia la hanesan. Ita nia mehi atu realiza ka lae, ida nee depende. Maibe iha experiensia vida dala wain mos hatudu, katak, buat nebee iha mehi durante ita eskola, asveis la konsege realiza iha futuru, dala wain realiza fali buat nebee ita nunka mehi. Dala wain mos ita konsege realiza duni buat nebee ita mehi.

Nusa maka sai nunee, ida nee depende ba situasaun, kondisaun, no ambiente nebee ita moris ba. Dala wain ita dehan, depende ba factor ekonomia familia. Razaun rua nee iha los. Maibe ita tan razaun seluk ida maka, dala wain ita ema la kumpriende. Babain ema dehan, “maromak maka determina”. Katak, ita bele halo planu (oioin) maibe ikus mai, maromak maka determina, atu sai saida. Profesaun saida maka merese ba ita. Realidade moris hanesan nee konesidu ho liafuan murak (wise words) nebe dehan, ”man propose go dispose”. Katak, ita ema bele iha hakarak ka planu oi-oin maibe ikus mai nai maromak maka sei determina. Realidade nee akontese duni ba Mgr. Jose Alvaro Nolasco Santimano Menezes e Monteiro no Maria Lucilia Arteminisia Santimano.

Remata tiha kursu superior filosofia (1941-1943) no kursu Superior Sagrada Teolojia (1943-1947) iha Seminario Patrialcal de Rachol, iha tinan nee 1974,  Jose Alvaro Nolasco Santimano Menezes e Monteiro simu ordenasaun diakonado iha Igreja Parokia de Navelim-Goa husi Bispo Arque Dioseze de Bombam, Mgr. Valeriano Gracias.

Tamba espertu iha filosofia, Bispo fo fiar ba Padre Monteiru sai nudar Prefeito das Aulas iha Serimnario Patrialcal de Rachol, Goa no hanorin mos filosofia no lingua Latin iha Seminario Maior St. Joseph’s Seminary de Allahsabda, India.

Iha tinan 1951, tamba moras, Padre Monteiro husu deskansa hodi halo tratamentu ba ninia saude.  Remata tiha tratamentu saude, Padre (Pe) Monteiro hetan konvite husi Reitor Seminario Patrialcal de Rachol atu kontinua estudu iha disiplina direito Canonico. Planu nee hetan apoio husi ninia belun nai lulik sira hotu, maibe maromak nia hakarak oin seluk. Teki-teki Pe. Monteiro simu konvite husi Mgr. Ave de Almeida atu sai missionario iha Timor.

Nia sente laran todan atu hatan konvite nee, maibe, tamba deit liafuan Timor katak, ansi atu simu Jesus, maibe ema laiha atu fo husi Mgr. Ave Maria de Almdeia. Pe. Monteiro fuan la hakmatek hodi hanoin iha laran, ikus mai, Sr. Casimiro (Pe. Monteiro nia aman) sai matadalan ba nia, hodi fo korajen ba nia atu barani hili dalan nudar Missionario. “Bainhira O sai nai Nailulik, O promete atu obedese ba O nia bispo, no servi ba Igreja. Hahu husi nee, O laos ami nian ona. Tan nee, simu no rona ba sa deit. O nia bispo hakarak husi O atu halo”. Liafuan Sr. Casimiro nee mak enkoraza Pe. Monteiro hodi hakat ain mai Timor.

Nunee iha loron 25/11/1953 , Pe. Monteiro nomeadu nudar Missionario de Timor. Portaria no 138, Arqui Dioseze Goa, hamutuk ho nai lulik seluk hanesan Pe. Volfango da Silva, Pe. Custodio Santana, Pe. Roque Martins. Ho vida missionario nebe Pe. Monteiro no nia belun sira hili, lori ita ba liafuan Sao Paulo nian nebe dehan, “Hau la haklaken Evanjellu karik, susar boot mai hau ! (1 Korintus 9:16)”. Tebes, knaar evanjelizasaun, ne’e knaar ema hotu nian.

Partir e sempre doloroso (hahu ho buat nebe hakanek fuan no sempre). Para corações Que se amam, a Despedida sempre uma tragedia. Se conseguimos ocultar as lagrimas. Não conseguimos, disfarcar a tristeza que acompanha o derradeiro abraço nem impedir a melancolia que impregna o nosso aceno de deus. PARTIR É SEMPRE DOLOROSO. Parece que se arranca um pedaço proprio Coração.

Husi fuan nebe hadomi, fahe malu ho trajedia. Kuandu ita hakarak subar matawen, nee labele kura buat nebe laran tanis sempre nakonu ho domin Nai Maromak. Ida Nee hahu husi buat nebe hakanek fuan, depende husi ema nia an rasik.

Dala ruma expresaun husi poezia nee, bele reprezenta situasaun Pe. Montero nian wainhira husik hela Goa hodi mai Timor. “Wainhira atu husik hela Goa, hau nia laran dodok tebes, tamba tenki husik saudales hotu. Laran triste tamba ita la hatene bain hira mak mai to’o Timor no lahatene sei fila ka lae? Hau nanok deit, bain hira Roo-Ahi nee ami sae husi Porto Goa nian, hau la koalia buat ida, so hakruk hodi hateke ba hau nia aman, no maun alin sira, mataben kala todan bain hira Roo ahi hahu hadook-an husi porto Goa, no lalatak domin hau nia familia, kolegas hela deit iha hau nia hanoin”.

Loron ida iha Roo laran, nia dehan, nia hanoin barak tebes. Nia hateke ba laloran tasi baku ba mai, ikan ne’ebe haksoit iha Roo ninin no manu ba tasi, ikan semo ba mai sai belun diak hodi hato’o ninia sentimentu tomak. “Liafuan hau nia aman nian, hamanas nafatin hau hodi sente hamutuk ho igreja iha nebe deit no bain hira deit, hau halao knaar ba,” hatete Pe. Monteiro nebee iha tinan 2005 simu nomeasaun de Monsehor (Kapelaun do Papa) ou Monsenyur (Mgr) husi Santa sé.

“Hau la hatene, dala ruma, Nai Maromak hakarak koko hau nia fiar no fidelidade ba Nia. Dala ruma maromak kala hakarak koko, sei hau nafatin firme ba dalan nebe hau hili ona hodi sai missionario, maibe nudar ema bai-bain, hau senti ida nee todan tebes bain hira iha Singapura, loron 15 Dezembru 1953, hau simu lia rekadu husi Mgr. Ave Maria de Almeida katak, ema ne’ebe hau hadomi, fo kbiit no korajen ba hau fila hikas ba maromak kadunan Santo. Iha loron ne’eba hau hakruuk tristi maibe santissimo sai nafatin hau hasae hau nia susar nee hotu”.

“Hau la hatene saida los mak hau sei hasoru iha loron tuir mai. Maske viajen ne’ebe hau halo seidauk remata, maibe hau fiar katak iha Nai hau hetan kbiit nafatin. De tudu sou capaz na quele que Me dá força (Fil.4.13), no hau fiar katak, Nai maromak sei la koko hau liu husi kbiit nebe hau iha,” hatete Mgr. Monteiro

Chegada A Timor: Uma Exprensia inacabada. Bainhira to’o iha Timor, loron 3 Janeiru 1945, knaar nebe nia simu no halao ba dala uluk mak sai professor iha Seminario Minor de Nossa Senhora de Fatima no Escola da Formasaun Profesores Katekistas iha Dare.

                                                 ***

Situasaun Timor Leste ohin loron la hanesan ho tinan 50 liu ba. “Imi bele imajina tok, tinan lima nuluk ba!. Wainhira ami to’o iha Timor, hau ho belun Nailulik nain lima, amo so hetan deit uma mutin, kala lima hanesan ne’e, restu mesak uma tali, centro sidade mak palacio do Governu, Motael, Lahane (oras nee ICR, Lecidere, Casa Madres Cannosianas Balide no motael, seluk sei fatin fuik, satan tesik ba Comoro, Manleuana, Fatu Meta, Becora no fatin seluk-seluk tan. Nee lalika dehan, foin tempu Indonesia mak ema hahu hela ba,” haktuir Mgr. Monteiro.

“Hau sei hanoin momentu ne’eba bain hira ami iha aviun leten, hau nia kolega balun ne’ebe ami mai hamutuk, atu tanis sal-sala deit bain hira hateke husi aviaun, so hare uma tali deit. Estrada mesak rai deit, kareta bele konta ho liman. Ami nia vida missionario iha momentu ne’eba sae kuda deit,” nia hateten.

Kona ba vida negosiu, loza boot oituan deit, no sasan nebe faan la hanesan oras nee, oras nee oin seluk tebes. Agora ita hakrak koalia ho amigos, familia, bele dere deit telemovel, ohin kedan sira iha Portugal ka Australia ne’eba bele simu no koalia kedan, maibe iha tempu ne’eba komplikadu tebes. Revista jornais ita foin bele le’e fulan tolu, dala ruma tinan tan, depende ba ro ahi nebe mai husi Portugal, ne’ebe iha tinan 1968-1972 asume kargu nudar procurador jeral Diocese Dili.

Sentire cum Ecclesia” sai nudar lema ordenasaun Nailulik Jose Alvaro N.S. e Monteiro, lema ida nee maka sai nudar ahi nebe hamanas nafatin Mgr. Monteiro iha nebe deit nia iha no halao servisu ba sarani sira.

Iha tinan 1955-1957 hau simu knaar nudar Vigario Cooperador ba Missaun Ermera no iha tinan tuir mai nudar Chanceler. Iha tinan 1959-1960, simu knaar nudar Vigario Cooperatod Baucau no iha tinan 1963-1967 nudar superior ba misaun Ermera, iha tinan tuir mai, simu knaar nudar kapelaun hospital,” hateten Mgr. Monteiro nebe moris ona iha vida sacerdotal iha tinan 1966 nia laran.

Iha area edukasaun Mgr. Monteiro mos hetan fiar nudar Diretor do Internato Bispo Madeiros, Director externato Sao Jose, no professor Liceu Vieira Machado. Hanesan imi hatene iha tinan 1974 ba oin, Timor iha situasaun funu laran, momentu neeba hau halao knaar nudar paroku iha parokia Motael (1975-1982). Iha esperensia funu nian nebe halo hau triste tamba ema balu hahu uza labarik kiik hodi halo sai nudar fortale4za hodi hasoru sira nia inimigo, hanesan nebe akonte4se iha Palestina-Israel. Hau hanoin tebes labarik sira nee, koitadu sira nee, inosente, sira sai vitima!. Hare situasaun nee hau ba hasoru no koalia ho ema sira nee atu bele husik tiha labarik sira, maibe hau simu resposta, sira nee ami nia rortaleza hodi hasoru inimigu, situasaun nee halo hau satiado no kuaze atu abandona Timor. Maibe bain hira to’o portu, teki-teki mosu hanoin”Pe. Monteiro o mai Timor atu tau matan ba ema sira nee, tamba sa mak iha situasaun defisil o husik sira”. Lia fuan nee halo hau fila kedan no hahu husi neba la mosu tan hanoin atu husik timor, maske hasoru situasaun funu oi-oin, nee hotu tamba domin ba Timor. “Love thadt ends, is the shodow of Love, true Love is without beginning or end”.

Tinan 1977-1982, hau simu knaar nudar direktor do sekretariado assistensia sosial Diocesana, no iha tinan 1982-1983 nudar superior da misaun Ermera no tuir mai iha tinan 1983-2000, sai nudar paroku Becora. Tinan 1999-2000, bain hira timor hili haketak an husi Indonesia, Dom. Carlos Filipe Ximenes Belo, SDB fo fiar mai hau atu sai nudar Vigario Jeral Provisoriu hodi hein to’o Pe. Antonio da Costa fila husi Portugal no hahu tinan 1999 to’o oras nee hetan fiar husi Dom. Alberto Ricardo da Silva hodi halao knaar nudar ekonomo da Dioceze Dili,”hateten Monteiro.

Iha proverbio nebe dehan elefante mate husik ninia “nehan” (destes elefantinos/gading), ema mate husik nia naran. Iha rekordasaun barak maka, Mgr. Monteiro husik bain hira halao knaar nudar Nailulik iha tinan 55 Timor. Hahu husi konstusaun, edifisio Igreza Letefoho, residensia parokial de Ermera, eskola no kapela hatolia no seluk tan.

Nune’e mos bainhira halao knaar iha Lahane, husi tinan 1971-1974, iha Motael, husi tinan 1975-1982, Mgr. Monteiro husik rekordasaun hanesan salaun no Cartorio Parokial, kapela Comoro, Kampung Baru, Aimutin, Manleu ana no Bidau Lecidere no seluk tan.

Iha aktividade pastorais, hari’I no forma grupu hanesan apostulado de Orasaun, Cruzada Eucaristia, asistensia sosial de St. Antonio Motael, Poliklinica, Grupu Ajuda Mutua (GAM), no seluk tan.

Iha Becora, husi tinan 1983-2000, hare ba numeru sarani nian nebe aumenta nunee iha tinan 1986, Mgr. Monteiro loke luan edifisiu Igreja, hodi harii mos salaun parokial, no Igreja seluk hanesan tinan 1988 hari Igreja no residensia Metinaro, tinan rua tuir mai, Igreja Akanunu. Tinan 1994 hari Igreja no residensia Hera, tinan 1996 hari kapela Mutudare no eruzeiros no kapela grutas iha kada bairos hamutuk 17. Molok Timor husik an husi Indonesia, iha tinan 1998. Mgr. Monteiro hari Igreja Bedois, iha tinan 2014 iha loron Domingo, 19/1/2014, liu husi ninia esforsu hamutuk ho sarani sira iha Bedois konsege hari tan ona Cartorio Parokial nebe oras nee sai Parokia Bedois iha Diocese Dili, ho total parokia hamutuk 20.

Nia hateten,”buat hirak nebe hau halo laos hau halo ba hau an ka familia, maibe ba sarani iha nebe hau servi ba liu-liu ba Gloria Nai Maromak nian, Ad Maiorem dei Gloriam,” tenik Mgr. Monteiro.

Iha area edukasaun, Mgr. Monteiro hari no loke eskola lubuk ida, hanesan eskola TTK santa Maria Goreti, SD Becora, Sabraka laran no SD Bedois, SMP no SMUK Hati Kudus no hari lar ba meninas “Meter Dei Etc:. Iha aktividades pastorais, harii no forma grupo apostoladu da orasaun cruzada, eukaristia Assosiasaun da Fita azul de Nossa Senhora, Assosiasaun das Familias katolikas, Assosiasaun de Sao Marcos, assosiasaun de Nossa senhora Imaculada Conceicao, Grupo de Akolitus Sao Tiago Menor, grupo vokasional Sao Tiago Maior, grupo de Joven katolikus, assosiasaun de solidaride de kristo no seluk-seluk tan.

Grupos sira moris ho prinsipio ida, maxima liberdade, maxima responsabilidade. Historia magistra vitae EST, husi istoria ita aprende buat barak atu bele hadiak sai diak liu tan, buat nebe ita seidauk hakat to’o ba!, “lembrar o Pasado, para melhor construir o futuro”. Kada ema idak-idak iha ninia istori rasik, diak e at, istoria partensia ba ema nia moris. ba Mgr. Monteiro, esperensia intersante liu iha Timor, mak esperensia evangelizasaun, tamba evangelizasaun knaar ema hotu nian, sarani Nailulik no religioso, hanesan Sao Paolu dehan “ hau la haklaken evangellu karik, susar boot mai hau” (1Kor. 9.16).

Esperensia evangelizasaun iha rai seluk dala ruma la hanesan iha Timor. Iha rai seluk, atu konverte ema susar teb-tebes, maibe, tuir Mgr. Monteiro, iha Timor lae? Ema Timor la presiza ita konvense!. Ema Timor hakbesik, fo an voluntariamente atu sai sarani, buat hirak nee hotu fo hanoin mai hau ba lia fuan nebe Mgr. Ave Maria de Almeida dehan;”Timor ansi atu simu Jesus, maibe ema la iha atu fo”. Ida nee bele prova iha tinan 1953 bain hira ami mai to’o iha Timor, ema Timor oan sarani hamutuk  mais ou menus, 50.000, no 450.000 Jintiu, maibe iha tinan 1973, sarani sae ba 274.000, nee katak, tebes duni ema Timor iha “ansi” atu simu Jesus,” haktuir Mgr. Monteiro.

“Oras nee, hau tenki agradese tan Nai Maromak haraik tinan barak ona mai hau, 91 anos da Vida, no 70 anos nudar Sacerdote, hakarak saida tan?, hau hanoin Nai Maromak fo buat barak liu ona, esperensia lubuk ida mak hau hetan no aprende. Buat hirak nee hotu, hau la espera sei akontese mai hau,” hakotu Mgr. Monteiro. Josefa Parada/ Natalino Belo

 

Facebook Comments

1 Comment

  1. R.I.P. Amo Monteiro,,Ami nia Orasaun Sei Nafatin Acompanha Amo ba Iha Lalehan

Leave a Reply

Your email address will not be published. Required fields are marked *