Importansia Reforma Lei

Importansia Reforma Lei

- in Politics
252
0
download (2)

Editor: Godinho Barros 

DILI  Komisaun Funsaun Publiku (KFP) presiza fo importansia ba lei reforma, tanba funsionariu publiku  balu idade reforma ona kontinua servisu.

Observador Politika UNTL, Camilo Ximenes Almeida dehan funsionariu publiku balun liu husi rekrutamentu  vaga maibe iha funsionariu publiku  balun partidu mak nomea. Funsionariu politiku nee kompriende ka la kompriende tama deit.

Komisaun Funsaun Publiku (KFP) sira ladun tau atensaun, lei reforma funsionariu publiku. tanba ema idade 60 ba leten tuir lolos reforma ona, maibe ema husu bele estende,  dehan Camilo ba STL iha nia knaar fatin Caicoli Dili, Segunda (10/2/2020).

Camilo informa, iha Ministeriu Edukasaun professor balun iha ensino Sekundariu idade 65 ona,maibe sei kontinua hanorin nafatin. enkuantu prefesor neebe  produs husi universidade Nasional Timor Lorosae oras nee laiha vaga maske kualifikadu atu hanorin.

Lei reforma katak Camilo taka hela dalan no la fo tempu ba lisensiatura edukasaun husi universidade sira nee atu ba  hanorin, nunemos  iha Ministeriu Saude, pesoal saude balun idade avansa ona, maibe seidauk reforma, nune mos  iha Ministeriu Administrasaun Estatal (MAE) no ministeriu sira seluk.

Camilo dehan  too ona tempu governu atu hadia lei reforma nee, tanba ema neebe partidu politika sira rekomenda tau iha ministeriu tenke barani foti desizaun hadia lei reforma, labele ema nee idade  65 sei kontinua servisu.

Deputadu Parlementu Nasional bankada PD Antonio da Conceicao dehan lei funsionariu publiku nian ema neebe  idade  60 tama ona ba reforma, hanesan iha ministeriu edukasaun dala ruma iha politika ruma, tanba  falta profesores. Maibe seguransa Sosial iha tiha ona, neebe la prezisa halo revisaun  lei reforma funsionariu publiku, tanba lei iha tiha ona.

Funsionariu publiku neebe idade avansa katak Antonio tenke hatoo karta ba ministeriu relevante, ou ministeriu ida idak bele identifika funsionariu neebe idade reforma hodi prosesu tuir lei.

Deputada Josefa Alvares Pereira Soares dehan, reforma kabe ba Ministeriu Edukasaun ba sira nia dadus neebe iha, se iha profesores balun hanorin ladun masimu tanba idade, atribui criteria ruma. Nunee professor sira bele husu reforma, labele husik hela.

Laiha ona posibilidade atu hanorin, kontinua hanorin, tanba hanorin nee laos hanesan servisu bai-bain, nee ligadu ho transferensia sensia ba alunus sira, argument Josefa.

Nia informa agora situasaun modernu ona, professor neebe idade avansadu tenke deskansa hodi fo pasu atu halo rekrutamentu joven foin sae sira neebe remata ona estudu iha area edukasaun nian bele prense.

Deputada nee nota katak too agora funsionariu iade avansadu seidauk reforma, tanba ministeriu hein  karta  reforma husi funsionariu sira. Pior kuandu seidauk iha serteza konaba reforma nian,  tanba nee mesmu ida boot nafatin hanorin hodi simu osan.

“Ida fali falta konesimentu ema ida seidauk ba hasai sira, nunee sira halao sira nia servisu hanesan bai-bain, tanba ministeriu edukasaun ba mak tenke haruka sirkular ruma ba iha eskola sira hotu, nunee sira bele apar ho asuntu ida nee, tanba iha ministeriu edukasaun buat barak prezisa  hadia,” esplika  Deputada Fretilin nee. Reportajen: Augusto da Costa/EST-UNITAL 02

 

Komentariu

Facebook Comments

Leave a Reply

Your email address will not be published. Required fields are marked *