Impase Politika, Presu Sasan Globus Normal

Impase Politika, Presu Sasan Globus Normal

- in Economics
152
0
loja

DILI – Relasiona ho impase politika iha rai laran durante tinan 2, laiha impaktu ba kompania Globus tanba sira  faan sasan ho presu normal, lahasae folin.

Informa Maria Madalena hanesan Administrasaun katak, oras nee sira nia presu sasan hanesan bain-bain laiha mudansa, mezmu impase lao, sasan lahasae folin, dalaruma presu sasan balun mos hatun tan nia folin.

Mezmu impase politika lao, dalaruma iha fatin balu hasae sasan folin, maibe ami iha Globus sasan sira nee folin nafatin  deit. Ba konsumidores sira mos barak mak antrian, ba ami nia langganan sira mai sosa ami fo diskon tan,” hatete Madalena ba STL iha Kompania Globus Ai-Mutin, Sesta (25/01/2019).

Nia hatete, konsumidores sira barak tebes, i tama ba tinan 2019 nee, aumenta barak tan deit tanba  sira nia sasan faan balu baratu tan deit no stok sasan  mos lamenus, sasan saida deit mak konsumidores sira presiza ,nee iha hotu. Tanba nee, relasiona ho impase politika lao durante tinan 2 ona, laiha impaktu ba sira nia Kompania Globus.

Nunee mos Konsumidores hanesan mos langanan Kompania Globus, Domingas da Silva hatete, nia ba sosa sasan iha Globus nee tanba nia langganan.

Ami hanesan langganan   haree ba sasan folin iha Kompania Globus baratu, mezmu impase maibe sasan folin lasae,”tenik nia.

Tuir nia, sasan  neebe mak sira sosa lori ba faan fila fali mos hetan porsentu diak, mezmu lori ba too Munisipiu Bobonaro Balibo, maibe persen nee sufisiente.

Tuir nia, sasan neebe mak sira sempre sosa nee hanesan sasan 9 necesidade baziku ou 9 bahan makanan pokok,  lori ba faan fali mos ema sosa sasan barak, neebe mai sosa iha kompania Globus nee kada semana ida ou semana 2.

Entretantu observasaun jornalista haree katak sasan neebe mak Kompania Globus faan, oras nee dadaun ho presu normal,  hanesan foos Globus 20KL folin U$ 9.50, 25KL U$ 11.50, 30KL U$ 14.25, maibe ba sira nia membru ka langanan entaun U$ 25KL U$11.25, 30Kl U$ 14.10,  Folson U$ 14.75. Supermie kaixa ida US 6.20, ba mina 5 liter marka Globus ho Bintang kaixa ida U$ 17.50, Aqua Boot  kaixa ida U$ 3.75, ba Aqua Gelas kaixa ida U$ 2.00, langanan U$ 1.80. Minuman biasan hanesan Fanta, Cocacola, kaixa ida U$ 6.75, ba frutas kaixa ida U$ 7.50. no sasan seluk tan neebe mak kompania nee faan ho presu normal. Iha Kompania Globus nee mos konsumidores sira antrian ba sosa sasan, hodi ba faan fila fali.  Guilhermina Franco

Facebook Comments

Leave a Reply

Your email address will not be published. Required fields are marked *