Impase Hamate Pasu  Profesor

Impase Hamate Pasu  Profesor

- in Edukasaun, Politics
568
0
download (1)

Editor: Godinho Barros

DILI — Impase politika neebe kontinua  lao iha rai laran, hamate pasu profesores voluntariu sira nian atu hetan  kontratu husi governu.

Diretor Ensino Sekundaria Jeral,   4 de Setembru, Sergio A da Cruz dehan, professor iha ESG. 4 de Setembru iha komponente haat (4), profesor permanente, kontratadu, reklamante no tempu parsial.

Professor kontratadu sira governu mak selu, no reklamante  hanorin kuaze tinan 5-6 atu ba hitu, seidauk hetan kontratu, dehan Sergio ba Jornalista iha knaar fatin Balide, Segunda, (10/02/2020).

Nia hatutan informasasun konaba professor reklamante sira nian hato tiha ona  ba diretor katak iha profesores  balun hanorin hamutuk iha tinan barak ona  to agora seidauk hetan  kontratu,

Profesor voluntariu sira nee katak Sergio fo kontribusaun makaas ajuda eskola dezenvolve estudante sira nia futuru, tanba nee husu governu atu konsidera, no parte governu bele toma atensaun, maibe ho impase Politika neebe inserteza susar tebes atu bele rezolve problema profesores sira nian.

Nia informa professor tempu parsial  hanesan profesor sira neebe mak eskola aranja, tanba profesor ba materia espesifiku ba disiplina laiha,  eskola iha responsabilidade  halo koperasaun ho inan aman hodi halo kontribuisaun ho objetivu atu bele dezenvolve eskola liu husi  insentivu ba Profesor tempu parsial sira,  hanesan kategoria ba transporte,  hadia fila fali kadeira ou meza ruma mak aat,  pinta fila fali moru sira neebe mak nakonu ho dezenhu Arte marsias nia naran,  hadia sintina sira neebe intupidu, nee mai husi osan kontribuisaun inan aman sira nian.

Nia relata montante osan kontribuisaun inan aman sira nian iha tinan kotuk dolar 1, maibe iha tinan nee redus ona ba iha 50 centavos pur mez.

Tuir lei hateten katak ensino sekundario nee la gratuita ho ida nee, eskola halo analizasaun hodi bele foti desizaun atu bele informa ba inan aman estudante hodi bele kontribui ba iha eskola.

Ami nia eskola mos iha ona APP neebe mak sempre akompana ami atu bele lao tuir nia dalan,  nunee ita uza estudante sira nia osan nee bele lao tuir nesesidade no labele monu ba indikasaun korupsaun, no manipulasaun, tenik nia.

Nunee mos  Adi Sigurado dehan  situasaun agora buat hotu  liga ba governu deit,  buat hotu   haree ba programa governu,  ema hotu-hotu moris tuir governu,  Profesor sira nia moris mos depende deit ba salario neebe mak governu selu, professor permanente sira diak tanba fulan-fulan simu salariu mesmu ho orsamentu duodesimu salariu garantidu,  maibe professor voluntariu  sira nia futuru inserteza, sa tan  ho impase politika oras nee bele halo professor voluntariu sira laiha vontade atu hanorin.

Hanesan professor voluntariu katak Adi  seidauk hetan rekonesimentu husi governu nuudar professor,  nee prezudika ritmu servisu profesor sira nian tanba servisu  sem salariu.  EST-09

 

Komentariu

Facebook Comments

Leave a Reply

Your email address will not be published. Required fields are marked *