Impase Fo Impaktu Ba Ekonomia

Impase Fo Impaktu Ba Ekonomia

- in Politics
188
0
image002

Editora: Carme Ximenes

DILI– Impase politika neebe lao durante nee, fo impaktu ba ekonomia iha rai laran, tanba serkulasaun orsamentu menus.

Ukun nain sira presiza tuur hamutuk hodi  hakotu impase politika neebe iha, atu nunee labele lori konsekuensia ba ekonomia nasaun nian.

Tanba oras kresimentu ekonomia, dijit nee sae to pursentu 4, nunee halo povu kiik susar  sosa fos saku ida.

Impase politika afeita duni ba ita nia roda ekonomia ba progresu neebe mak iha, hau mos la konkorda ita nia kresimentu ekonomia dijit nee sae too pursentu 4, tanba povu atu sosa fos saku ida deit mos halerik, hatete Inocencio ba STL, iha nia knar fatin Farol,  Dili, Tersa (07/01/2020).

Iha biban nee mos nia dehan, kona ba investimentu  Asia rasik iha komisaun ba revizaun lei  lisensa sira, liu-liu server nian, tanba lei neebe mak fo lisensia ba emprezariu nasional no internasional, dala ruma hetan defikuldade boot, liga ho impase politika nee aat liu tan.

Ida nee afeita duni ba ita nia emprezariu internasional sira, atu bele mai investe iha ita nia rai, hodi bele redus numeru ida quarenta pursentu  dezempregu, hatete nia.

Inocencio mos haktuir tan katak, portu sira neebe  halo  ona, maibe abandona, roo sira  sosa deit, depois husik iha Portugal nee ba, neebe impase nee kontribui duni ba krize ekonomia iha rai laran.

Se ita la haree didiak, krize ekonomia lao no politika lao, bele hamosu tan organizasaun kriminalidade sira aproveita  oportunidade, katak nia.

Iha fatin seluk, Prezidente CCI_TL , Oscar Lima, hatete, ba oin impase ida nee sei kontinua lao nafatin iha rai laran, bele afeita ba atividades ekonomia iha rai laran, no investidor sira sei la mai investe iha TL.

Karik ba oin impase ida nee sei lao hanesan nee bebeik, ita nian atividades ekonomia lao sei la stabil, no ema investidor sira sei la mai atu bele investe iha ita nian rai, tanba ita nian impase nee sei kontinua lao nafatin, oinsa mak ema atu mai gasta sira nian osan, dehan nia.

Entretantu Reitor UNDIL, Jose Agostinho Belo, dehan, tinan hira ona impase ida nee sei kontinua lao nafatin, ema husi nasaun seluk sei la tama mai, tanba ema asesu informasaun iha media sosial katak, TL nian impase politika sei kontinua lao nafatin, entaun emprezariu  sira husi nasaun seluk mos sei la mai investe iha Timor.*

Komentariu

Facebook Comments

Leave a Reply

Your email address will not be published. Required fields are marked *