Impase Empreza  Barak  Taka  tividades

Impase Empreza  Barak  Taka  tividades

- in Politics
82
0
download (35)

DILI-Impase politiku, neebe sei kontinua lao iha rai laran, halo empreza balun,hahu taka ona sira nian ativisades,tanba laiha osan.

Kestaun nee, hatoo husi, Prezidente Fundador CCI-TL, Julio Alfaro, hatete, situasaun impase ida nee, lao durante tinan rua ona,tanba iha fatin barak srvisu la lao,liu -liu infransturtura,neebe mak presiza osan boot.Maske halo kontratu, maibe laiha osan para atu selu, situasaun ida seluk, emprezariu Timor oan sira, seidauk iha forsa ba area finanseru.

Dala barak ita nian emprezariu sira ba iha banku, para husu kreditu,maibe  laiha kondisoins,tanba nee sira balun terus, tanba laiha osan, para atu bele selu, ema sira neebe mak ho sira servisu.

Ida nee krize boot ida setor pribadu hasoru, maibe foin dadaun iha Dezembru nee, ita iha esperansa boot OJE nee aprova, maibe too ohin loron, ninia rezultadu nee nunee hela deit ho impase ida nee, iha empreza barak, taka ona sira nian Atividades, dehan Julio ba jornalista iha nia hela fatin Fomentu Dili Tersa  (21/01/2020).

Prezidente fundador CCI-TL,Julio,akresenta,situasaun ida nee akontese laos ba empreza ida rua deit, maibe afeita ba empreza hotu, tanba osan la sirkula, poder kompra laiha, tanba nee, setor privadu esperansa, bele ultra pasa impase ida nee.

Iha sorin seluk, Reitor IOB, Augosto Soares, dehan,impase ida nee, fila -fali ba iha tinan 2017-2018,tanba impase ida nee kontinua lao bebeik, sei fo impaktu boot ba prosesu dezenvolvimentu ekonomi iha rai laran.

Ita hotu hatene katak, ita nia nasaun ninia ekonomi nee,depende ba  OJE,nomos setor pribadu nian depende mos ba OJE,hau hanoin katak, impase neebe akontese,OJE sumba iha PN,nee ita TL, sei hasoru krize ekonomi, se karik ida nee lori tempu naruk, tanba  ita hatene katak, 2017-2018,agora 2020 ita moris ho situasaun ida nee bebeik, tanba ita nia empreza barak,hapara sira nian travallador,neebe ita nian numeru dezempregu sei kontinua aumenta bebeik, tanba ita nian poder kompra mos tun, tenik nia

Nia akresenta,ho impase ida nee, bele aumenta numeru dezempregu,tanba empreza sira laiha osan atu selu funsionariu sira, entaun bele hapara sira nian servisu, tanba laiha osan, oinsa bele selu travallador sira nee.

Nunee mos, Prezidente CCI-TL,Oscar Lima, hatete,bainhira nain ba empreza sira laiha ona forsa, tanba osan menus,nee bele hasai travallador sira, tanba laiha osan, para atu selu sira, no dezempregu kontinua aumenta iha rai laran.

“Hau hanoin empreza sira iha nia osan rasik,no osan neebe mak atu utiliza,durante tinan ida ou fulan nen, nee depende ba kompana ida-idak, atu bele halo jestaun neebe diak,para selu travallador sira neebe servisu iha empreza sira nee,”dehan nia.* Jacinta Sequeira/Madalena Horta

Komentariu

Facebook Comments

Leave a Reply

Your email address will not be published. Required fields are marked *