Impase Afeita Dezenvolvimentu

Impase Afeita Dezenvolvimentu

- in Economics, Politics
73
0
download (28)

Editora: Carme Ximenes

DILI– Impase politika neebe akontese, afeita tebes ba prosesu dezenvolvimentu iha rai laran, tanba setor hotu hotu tenke tuir  irama politika.

Preokupasaun nee, hatoo husi Reitor  UNTL, Francisco Miguel Martins ba STL, iha Portu Dili, Kuarta (15/01/2020).

Nia dehan, husi pontu de vista akademika  nian sente triste, tanba iha prosesu dezenvolvimentu nasional, iha diverjensia oi-oin neebe mosu,  fo impaktu ba impase politika ba rai ida nee.

Impase politika nee afeita boot teb-tebes ba prosesu dezenvolvimentu nasional, tanba setor hotu-hotu tenke tuir  irama politika neebe iha, tanba ida nee, parte akademika sente triste teb-tebes katak, ita mesak Timor oan no maun alin deit, oinsa mak ita nunka iha hanoin ida, tur hamutuk hodi sai husi krize impase ida nee, dehan Francisco .

Tanba tuir nia katak, durante tinan 24 iha kolonizasaun nian okos, iha okupasaun invazaun nian okos tinan 24 ,tanba nee, durasaun sofremente povu ida nee nian barak tebes.

Nia dehan, politiku  nasional sira no partidus politikus neebe iha asentu Parlamentu Nasional,oinsa bele solusiona problema ida nee, tanba povu hakarak dezenvolvimentu iha rai ida nee, lao tenke diak.

Maibe Reitor UNTL nee dehan, sei impase ida nee lao hanesan nee bebeik, oinsa mak dezenvolvimentu  nee bele lao diak, tanba  kauza husi impase ida nee, atividades prosesu dezenvolvimentu labele lao rai ida nee.

Ita nian lider sira mak tenke tur hamutuk, para rezolve  impase ida nee, se hanesan nee bebeik, bainhira mak ita nian impase ida nee bele hakotu, tenik nia

Iha parte seluk, Prezidente CCI-TL, Oscar Lima, dehan, ho impase politika neebe too ohin loron sei kontinua lao nafatin iha rai laran, prosesu dezenvolvimentu lao la diak.

Nia husu ba nai ulun sira, tenke tur hamutuk, para atu bele hakotu impase ida nee, tanba tinan hira nia laran, impase ida nee sei kontinua lao nafatin, no povu hakarak  prosesu dezenvolvimentu iha rai laran, tenke lao, para sira bele buka sira nian moris loron-loron.

Se ita nian situasaun impase ida nee sei kontinua lao nafatin iha rai ida nee, ita nian prosesu dezenvolvimentu iha rai ida nee lao sei la diak, entaun oinsa mak ita nian lideransa sira, atu bele solusiona problema impase ida nee, dehan nia

Entretantu  bainhira  STL tenta atu halo konfirmasaun asuntu ida nee, ba eis Prezidente da Republika, Jose  Ramos Horta, maibe ninia parte lakohi fo komentariu ba midia. Jacinta Sequeira/Madalena Horta

Komentariu

Facebook Comments

Leave a Reply

Your email address will not be published. Required fields are marked *