Impaktu Listrik Mate, Deolinda Simu Basa-tuku

Impaktu Listrik Mate, Deolinda Simu Basa-tuku

- in Notisias Online
715
0
feature3

DILI– Lezada Deolinda da Conseção Madeira hetan basa no tuku husi nia kaben arguidu Antonio Sarmento, tanba etu ka hahan ne’ebé nia cok hela la lakan, kauza husi eletrisidade mate. Nune’e bainhira arguidu toba meudia hader etu la tasak mak arguidu fo pankada kedas ba lezada.

Liu husi audensia julgamentu Sigunda (16/09) iha Tribunal Distrital Dili, Juiza singular Jacinta Coreira fo sai akuzasaun husi Ministeriu Publiku katak iha loron 18 Setembru 2012 oras tuku 04:00 lokraik arguidu hader husi kama laran husu etu ba lezada atu han. Maibe lezada responde katak etu nia cok duni maibe eletrisidade mate mak etu la tasak.

Ho hahalok ne’e Ministeriu Publiku akuza arguidu ho krime violensia domestika, tuir artigu 145 kodigu penal Timor Leste. Hafoin rona akuzasaun husi Ministeriu Publiku arguidu desidi lakohi koalia ba tribunal sobre faktus ne’ebé Ministeriu Publiku akuza hasoru nia.

Entertantu parte defeza ne’ebe fo asistensia legal ba arguidu husu atu tribunal labele hasai arguidu nia liberdade tuir artigu 72 kodigu Prosesu Penal. Hafoin rona parte sira tribunal desidi sei fo sai desizaun iha loron 23 Setembru 2013. Informasaun kompletu iha STL Jornal no STL Web, edisaun Tersa (17/9). Timotio Soares

Komentariu

Facebook Comments

Leave a Reply

Your email address will not be published. Required fields are marked *