Iha Koinesementu Atu Rehabilita Kampu Futebool

Iha Koinesementu Atu Rehabilita Kampu Futebool

- in Desportu
4604
0
football

DILI-Kampu Futebool neebe lokaliza iha area Kampu Alor, Dili, iha ona koinesementu husi autoridade lokal atu rehabilita hodi halo prepoarasaun ba jogu CPLP iha tinan 2020, oras nee dadaun  Sekretariu Estadu Joventude no Desportu (SEJD), maka atu fo apoiu ba rehabilitasaun ida nee.

Tuir Xefe Suku Alcina Carvalho Dos Santos hatete ba STLiha kampung Alor Dili, Sesta (08/09/2017),  “iha fulan hirak liu ba SEJD mai informa ona ba ami kona kampu Fotebool KanpungAlor nian hodi hadia atu preparasaun ba jogu Cplp 2020 nian.”

Tanba Jogu CPLP nee Timor Leste mak sai uma nain iha 2020 neebe nia mos kontente nomos agradese ba SEJD tanba kampu Fetebool Kampung Alor nian mos hili ona atu sai hanesan kampu nasional ida ba iha desportu, nee hanesan bele atu motiva gerasaun foun liliu ba joventude sira atu kapasita sira nia talentu ba futebool .

Nomos bele fo vantajen diak ida ba joven sira atu hatudu sira nia talentu iha desportu fetebool nian, nee hanesan atu hadook violensia ida ba iha  joven sira nia leet, tanba ohin loron nee joven barak mak gosta hare jogu husi klubu no nasaun sira neebe joga.

Ita nia joven barak mak laiha fali talentu ba jogu desportu tanba ita hare joven barak mak inklina an fali ba iha treinu arte marsiais hodi provoka malu too baku malu no asaltu malu too balun mate, ida nee mak ohin loron akontese hela iha ita nia nasaun nee,” nia dehan.

Nunee mos Xefi Aldeia 01 suku kampung Alor Estela Aleixo hateten nee los duni xefi suku mos fo hatene onaba xefi aldeia sira neebe mak iha suku kampung Alor kona ba kampu Fetebool KanpungAlor atu hadia husi Sekretariu Estadu Joventude no Desportu hodi prepara ba iha jogu CPLP nian iha 2020.

Autoridade lokal sira tur hamutuk hodi ba fo hatene komunidade sira neebe mak hela  besik iha resintu kampu nian nee atu bele hatene sekarik governu tun mai atu hadia nee sira hatene ona para labele mosu deskriminasaun no problema komunidade sira entre xefe aldeia no xefe suku nomos ho governu.

Uma kain neebe mak atu hetan muda mak iha uma lima mak tur iha kampu Fetebool kampungAlor nia soring nee atu hetan muda neebe ami ba fo hatene tiha ona ba komunidade sira, neebe sira mos mos prontu atu sai maibe governu tenki halo ganti rugi ba sira hanesan osan hodi bele sira buka fali rai seluk hodi sosa halo sira nia uma.

Iha fatin hanesan komunidade Ernestina da Gama neebe mak hela besik iha resintu kampu futebol nee informa ba jornalista sira katak, prontu atu kopera ho governu tambe nee importante tebes ba nasaun hodi bele halo dezenvolvimentu diak ba rai ida nee. bainhiragovernu husu atu dezenvolve tenke entrega maibe husu ba governu mos keta haluhan ema direitu hanesan ema Timoroan ida iha Nasaun ida nee,

Nia akresenta katak, bainhira governu prepara fila fali fatin ida ba neebe diak ka governu fo deit osan mos sira prontu atu sai husi nee tamba ida nee estadu no ema hotu nia obrigasaun para atu dezenvolve nasaun ida nee ba oin.

Iha nee estudante mak barak hela iha area ida nee, no iha fatin ida nee uma kain lima mak hela besik iha kampu nee tanba, antes atu konstrui uma iha fatin nee sira hetan autorizasaun husi parte autoridade lokal aldeia no suku Kampung Alor.

Rehabilitasaun Ba Kampu Futebool

Komunidade Kampung Alor Preokupa Ba Rehabilitasaun Kampu Futeboll neebe lokaliza iha Area kampung Alor, tanba tauk joventude sira  aai fali  bainaka iha sira nia Kampu refere.

Xefe suku Kampung Alor Alcina Carvalho dos Santos ba STL iha nia knar fatin Sesta(08/09/17) katak fulan ida liu ba Sekretariu Estadu Juventude no Desportu promesa katak kampu nee sei hadia no iha loron 31 fulan outubru husi parte SEJd hatoo ona dokumentus mai iha parte suku hodi halo rehabilitasaun ba Kampu Futebool.

Ami mos sente kontente tanba durante ne’e juventude barak iha talentu ba iha desportu maibe, no laos suku Kampu Alordeit  iha perguntas mak, joventude sira sai fali bainaka ba kampu nee, tanba halo ona rehabailitasaun nee sai governu nian ga Suku mak jere maibe suku iha Dili laran nee hanesan, Kampung Alor, Comoro Kampung Baru, Bidau Lecidere, Bidau Toko Baru nomos Becora,” dehan Alcina Carvalho ba Jornalista STL iha nia knaar fatin, Sesta (08/09/2017).

Xefe suku nee mos agradese ba parte SEJD tamba bele apoiu ba kampu futebol ida nee para joven neebe mak iha talentu ba iha bola bele aprende no dezenvolve diak liután sira-nia telentu neebe mak iha, tanba rehabilitasaun ba kampu futebool nee parte ida hodi atu ajuda juventude sira para hodi nunee bele reduz juventude sira nia hanoin konflitu sira.

Nunee mos Xefi Aldeia 01 Estela Aleixo hateten kampu Futebool kampung Alor nee iha ona konesementu atu hadia preparasaun ba Jogu CPLP nian maibe iha nee autoridade lokal ho komunidade sei iha kunfuzaun ba iha kampu nee tanba kampu nee sei hadia semak atu iha direitu ba iha kampu nee hanesan hola parte komunidade KanpungAlor nian ga, ka parte Governu nian.

Tanba iha parte kampu Audian nee komunidade sira neebe hela besik iha neba la tama ba laran bainhira laos jogador neebesira mos lakoi hanesan neba, tanba iha joventude barak hanesan Feto no mane mak iha talentu ba iha despotu.

Iha fatin hanesan komunidade Agustinho Icun neebe mak hela besik iha resintu kampu futebol nee informa ba jornalista sira katak, prontu atu kopera ho governu tambe nee importante tebes ba nasaun hodi bele halo dezenvolvimentu diak liu tan.

Iha nee estudante mak barak hela iha area ida nee, no iha fatin ida nee uma kain lima mak hela besik iha kampu nee tanba, antes sira atu konstrui uma iha fatin nee hetan autorizasaun husi parte autoridade lokal aldeia no suku Kampung Alor. est 3

Facebook Comments

Leave a Reply

Your email address will not be published. Required fields are marked *